【肥美海鮮丼】記得臨收工前先去食~足料好多

6月初, 知道灣仔新開一間立食日本料理...SY:「哦!! 立食, 站立係度食呀?? 無得坐嘅咩??」因為怕企...所以擱置到今晚才去食.

今晚, 與魚子家齊齊哲平食堂開餐, 去到才鬆一口氣...「有得坐架!! Yeah!!」

不過, 原來食堂9時關門, 我們到達時已經8時45分...食物也所餘無幾, 魚子醬要了最後一塊已炸好多時的豬扒, 而我們分別各要一碗「九州醬油海鮮丼（$80）」

本來想點的「九州醬油帆立貝特盛（$90）」售罄...(無奈!!). 原來,海鮮丼是即叫即整, 可以從大玻璃窗看到店員用秘製醬油, 幫魚生「按摩」後才加入飯上. 最後再灑上大量芝麻...完成!

點解有傳媒說足料, 魚生和米飯的比例1:1 ?? 事實上, $80元這個份量...灣仔區不用呆在食堂裝修的格局, 也可以食到吧!

小小帶子,  三文魚夠厚夠肥美, 三文魚籽好食, 吞拿魚又鮮, 還有劍魚, 及鮑魚仔切粒...用料絶對鮮味...但份量太少....不夠飽...怎算好, 唯有多叫一碗.

望著空空如也的廚櫃, 我問店員:「仲有冇炸豬扒??」店員回答:「有!即炸一件畀」(超感激...)

結果...超喜出望外的是關門前的海鮮丼, 同樣價錢, 但魚生份量明顯多了25%...嘩!! 超正呀! 魚子媽:「佢臨收工真係會整大碗D喎」魚生可以堆出一個小山丘添

熱辣辣的炸豬扒, 同樣是$30...魚子媽:「你就好啦... 我嗰塊係凍嘅」「一熱遮三醜」, 本來我不太愛吃日本式麵包糠炸豬扒, 但新鮮炸出場, 又不太油則另作別論喎.

個仁意見: 食物質素高, 份量則....看彩數吧!! 你下次也試試臨關門前5分鐘才點餐, 特別找女店員下廚吧!! 驚喜又滿足.

PS:「薯餅」、「可樂餅」全部要7月才推出. 暫時沒有...(唉!!今晚想食都無得食)

哲平食堂
地址: 灣仔克街6號B2號舖
時間: 12nn-9pm
電話: 3706-5180


大仁生活facebook