預早慶祝父親節, 當然要食好啲. 爸爸:「我對腳唔係行得咁好, 係附近食啦」.
步上樓梯, SY大叫:「爸爸! 係米去咗圖書館呀? 又話打邊爐?」(扮文青吖麻, 你估真係圖書館咩?)
今晚我們來一個椰子宴, 原味椰子雞鍋（$238/隻）我:「原來椰子湯底香得咁緊要!!」
SY:「點解有個漏斗係度嘅?」店員答:「將D文昌雞放入煲, 之後用嚟計時, 7分鐘啱啱就係個漏斗嘅時間」(嘩!原來打邊爐都咁Pro)
店員:「夠時間, 你就叫我哋嚟撈起D雞先, 如果唔係驚D雞會變老」椰子湯超香, 又甜, 真的好飲到會笑.
平時奄尖的媽媽竟然也大讚:「海南走地雞真係唔同D,
雞肉唔會化開, 唔同街市嗰D雞「鞋烚烚」...」一口椰子湯, 一口雞, 仁生一大快事...正!!
黑松露龍蝦煲仔飯（$238）, 驚人的龍蝦份量, 香噴噴的黑松露, 我根本不用再加豉油, 飯底吸收了全部精華已經超惹味...
有人一邊看「學是學非」, 竟然電視送了兩碗飯, 再說:「爸爸, 我想食多半碗...(我: 2碗半飯?? 究竟係煲仔飯威力, 定係湯洛雯功勞?), 我鍾意森美!!)
椰子宴當然要飲椰青+椰皇啦 ($28), 不過小朋友要Magic, 所以飲了提子加檸檬的魔法特飲($35)...(少年...要飲, 梗係飲天然椰皇最消暑啦)
究竟是椰子湯的威力, 還是火鍋配料同樣鮮甜呢?
粟米($22), 日本直送野菜藍($49),
全部都變得超甜, 超好食...難怪以前, 滔滔日日電視話:「打邊爐湯底最緊要」
佐賀A5牛肉眼（$198）, 絶對送你一瓣的「雪花」, 嬌嫩到爆, 好食到想唱:「望 任意望, 和牛已在你在你口裡 在發光」(父親節真係食豪D都值)
最後甜品也來一個椰皇布甸($38)包底. SY:「好奇怪...點解布甸好似啫喱嘅?」(咁米仲啱你囉, 你咁鍾意食啫喱)
用椰青水變成的「布甸」, 絶對又美麗又涼快啦!! 囝:「爸爸! 你食得咁快嘅? 不如叫多一個啦...我想睇埋Sunday好戲王呀」(返屋企睇啦...囝)
四季文昌 CoCo Kitchen
地址: 旺角荔枝角道33號百匯軒地下及1樓全層
電話: 2499 2700
大仁生活facebook
沒有留言:
張貼留言