有些餐廳吃食物, 有些吃環境, 「老二花廳」絶對後者. 今次真的是唐樓舊建築, SY:「有D似灣仔上次食嗰間, 但E間無咁多舊嘢玩」
上次「1963 木十豆寸」台灣老闆大灑金錢,
追回60年前的舊物作擺設, 今日「老二」唯一賣點, 便是可以坐窗邊位, 居高臨下可遙望對面麥花臣球賽.
不過「花廳」內圍才有冷氣開放, 要和金仔齊齊看球賽的話,
露台位置則要捱少少熱.
SY:「爸爸! E個係米獎門人呀?」(哦!佢唱歌嘅, 叫陳煥仁)
環境有氣氛, 食物質素可以減低嚴格要求,
其實, 這裡的食物絶對合格有餘,
不過價錢不是唐樓價, 簡直尖沙咀商場價, 好貴.
香草焗肥雞($238), 點選這款雞, 因為宣傳每日限量5隻, 雖然夠香,但肉質未能用嫩滑來形容, 不太差, 如果可以醃得更入味, 就最好啦.
這個價錢, 餐飲也沒有附送, 真心貴...不過, 瘦雞下, 全盤也是白水煮熟的薯仔, 蒜頭, 紅蘿蔔, 洋蔥, 三少三低, 健康到爆
迷你夏威夷薄餅 ($52), 一家三口都愛食有菠蘿的Pizza,
SY:「我想食多一塊!!」
未夠喉, 未夠喉, 可能就是這個迷你薄餅的好處, 一開四件, 我可以一口一件,
SY:「點解佢咁細嘅? 平時食嗰D好大喎」
SY問我:「爸爸!! 你叫咗雞仔, 又叫雞翼, 咁米重複咗囉?」(咁你鍾意食雞翼吖麻, 專登叫畀你食)
蜜糖雞翼 ($42) 一定是小朋友最愛, 甜甜的蜜糖, 究竟會不會有人用炸雞翼再沾多多蜜糖呢?
阿太:「你估個老細係米好鍾意米奇老鼠? 佢有個神枱供奉喎」
SY:「E個係米奇老鼠咩? 都唔係, 佢咁瘦, 同平時都唔同樣」(E個係懷舊版...定係強國版呢? 其實我都好混亂)
老二裝修非常文青, 非常有格, 不過食物貴得不太值, 來一次就夠...
(PS: 其實係唔係好多人連唐樓, 同舊樓都唔識分嘅呢? 又聽到人講「1963 木十豆寸」係唐樓餐廳...E間就係)
老二花廳
地址：旺角山東街80號1樓
營業時間：星期一至日 3pm-12am
電話：9284 2767
大仁生活facebook
沒有留言:
張貼留言