網頁

2016年6月13日 星期一

【觀塘工廈任玩任食】$88懷舊放題三粒鐘

一聽到自助餐, 阿囝即時興奮大叫:「好嘢!. 不過, 今日觀塘工廈餐廳供應的, 嚴格來說只可以叫小食放題.


$88任食3小時, (周末$98), 來這裡主要貪可以有玩具玩. 阿囝:「咁好嘅? 3個鐘頭都可以玩?(食飽先玩呀!)


一走入門口, 攤位遊戲王牌「電流棒棒陣」...阿囝隨手拿起電棒, 在鋼條穿梭自如:「爸爸!你睇我...完全無響紅燈」(梗係啦!! 你都未開)


老翻紅白機配14Konica舊電視, 很少有機會玩電視遊戲的SY顯得很興奮:「哎呀! 死咗...原來要揼斧頭架」


我問小朋友:「你唔覺得個電視矇查查咩?」他雙眼死叮實14吋螢光幕答:「少少啦! 不過好好玩, 好刺激喎」. 估不到30年前我迷戀, 千禧後的小朋友一樣鍾意.


80年代做主題的餐廳, 食物質素...亦十足從前學校小食部一樣, 有得食, 食得飽, 但真的不能與「好食」拉上關係.


全部(幾乎)也是叮叮小食, 龍蝦丸, 貢丸, 菠蘿腸仔, 沙律, 似炸完又炸的餃子.


即時加熱即食的雞肉串, 還有麥樂雞, SY最愛一口西多士, 這個算是最製作水準了吧? 阿太:$98D咁嘅嘢, 真係好賺」(會唔會我哋太老呢?)


阿太:「你睇其他人都係嚟捉棋, 玩啤牌, 咁同上樓Cafe都無乜分別, 任食...你睇無乜人叫完??(...個西多士都入到口嘅)


飛行棋大王」又迫我玩...., :「屋企都有飛行棋啦, 駛乜嚟E度玩呀?, 大王回答:唔同, E度有嘢食!!(但你食咁少嘅?), 都唔好食, 唔好問啦...爸爸! 到你行啦」


簡單看看小朋友, 玩釣魚機, 捉棋, 鐵皮雞仔, 這位小朋友真的天生很愛玩...


最攪笑...我介紹黑白俄羅斯方塊機給SY:「以前爸爸坐車成日玩架」, SY:「點解無顏色嘅?, 不過小朋友同樣玩了4-5關才放棄.


懷舊不死, 在場年青人真的玩到嘻嘻哈哈, 可能大家都只想找個聚腳點, 食物質素, 可以填飽肚皮就得吧??


$88可以任點任食任飲任玩舊時玩具,  11:30玩至14:30,  三小時過去覺得發現新大陸的SY:咁快鐘嘅? 我唔想走呀! 好好玩......


不過, 不足半小時, 阿囝:「爸爸! 我好肚餓」(又難怪, 有時有D食物真的不應該入口, 於是我們情願走去美心下午茶囉)



懷舊任食任玩:
星期一至五:14:45-17:45 ($88)
星期六和日及公眾假期:第一輪:11:30-14:30;第二輪:15:00-18:00 ($98)
(好彩6月有9折)


開餐達人
地址:觀塘開源道47號凱源工業大廈1樓B室
營業時間:星期一至日:06:30-22:30
電話:3689 2496


大仁生活facebook

1 則留言: