【變變變玩4D】迪士尼真係搬咗去尖東?! Avengers都嚟齊晒

今日去到尖東噴水池, 準備走入奇幻館前, SY對我說:「爸爸! 你又話去迪士尼? 點會嚟咗尖沙咀? E度唔係之前影布甸狗嘅?」 

奇幻館變身4D迪士尼, 影相呃Like仲方便過入園, 而且今次, 更加入夜光, 香味, 音響, 有一刻會以為自己置身樂園一樣.

SY:「E個係米奇妙妙屋個大氣球呀!!」(估唔到小朋友仲記得3年前嘅電視節目, 今時今日, 佢淨係每晚無限Look睇Sunday好戲王咋)

跟迪士尼一模一樣的, 絕對是小熊維尼蜜糖罌, SY:「真係有嗰D音樂架, (正喎!咁以後唔駛去迪士尼都得喎), 咁又唔得, E架車都唔識郁」

暑假會有續集的海底奇兵2, 大舊布斯的情景十足十海底一樣...不過SY:「爸爸...去隔離, 去隔離, 仲靚呀!夜光架」

於是, 小朋友急不及待衝了過去, 嘩!真係夜光呀!好靚...士迪仔, 小金...不過, 大約3分鐘左右...「啪」一聲, 又變回正常.

SY:「爸爸! 都未影完點算呀? (我:等一等囉, 應該好快又變返黑)」結果...

夜光房間有5個情景, 我們又正常, 又夜光, 玩足十分鐘.

大家一定要等, 或者快快影齊光, 與暗的變化, 因為夜光時會出現神秘圖案, 光線充足時, 你會見不到的.

這是SY指定要我做的動作...SY:「爸爸!你扮後面嗰小矮人, 好襯你」(阿囝, 你點知我真係想好似佢咁, 日日瞓唔駛做架?!)

另一個4D效果, 就是出現在ToyStory區, 士多啤梨熊勞蘇好香, 毛公仔怪SY大叫:「勞蘇...你好舒服, 好香呀!!」

反斗奇兵後就是怪大, 我覺得這個毛毛大大口真的是全場效果最突出....鏡頭後的感覺非常得, 靚到爆!!

InSideOut的阿愁愈睇愈可愛, SY:「爸爸! 你都要過嚟, 因為記憶球你要攞住, (你都無睇過, 點知個波係記憶球?), 學校考完試播過畀我哋睇囉」

登登登凳, 之後便論到壓軸男仔館...我最期待的復仇者聯盟出場啦....

SY:「真係有咁大隻Iron Man, 同美國隊長喎...不過, 點解佢哋要對打呢?(套戲係咁吖麻), 又係喎, 爸爸! 咁我哋都對打啦!!」

不如齊齊扮蜘蛛俠爬牆啦...SY:「爬完未? 好攰呀」, 可能我太喜愛Avengers, 所以影廿幅, 三十幅相也不覺得攰喎.

之後的動作, 我又繼續指揮, 「你幫黑寡婦向奧創發飛彈啦...」, SY:「但E個姿勢係龜波氣功喎」(龍珠你又識?)

Hulk一定要影, 被捉的感覺完來很完美!!

聯盟完結後, 便到臨完場前的兩幅Starwars, 先與黑武士對劍, 我:「一早叫你攞埋支LightSaber嚟啦」, SY:「爸爸! 為咗一幅相, 要全日攞住把劍?? 幅畫米有把劍囉」(做戲做全套吖麻)

當你變身Stormtrooper的同時, 便是準備離開奇幻館的尾聲...SY:「爸爸! 不如我哋玩捉伊欣啦...」(好呀!) 因為我不捨得走...

於是襯小朋友走來走去, 不見了他之時, 又不偷出時間, 繼續影影影...工作人員:「你囝囝走咗去嗰邊啦...」(無問題, 佢一定會360度又跑返嚟嘅, 放心)

迪士尼主題 4D 奇幻館
九龍尖沙咀東加連威老道96號希爾頓大廈1樓
開放時間: 上午10時至下午10時(最後入場下午9時正)


成人: 港幣168元
小童(3-11歲)/長者: 港幣120元



大仁生活facebook