今晚本來帶囝到金聲戲院(新寶戲院)旁邊食吉野家, 不過, 途中SY突然大叫:「爸爸! 有新開雪糕店呀! 有得試食....你要唔要?」
我答:「我唔食啦, 你自己食啦...好唔好食? ( 囝:超級好食, 買畀我吖!!), 你乖乖食完飯就買啦!!」(Yeah! 雪糕魔力, 可以令小朋友15分鐘KO了一碗細雞飯...)
這個新開的雪糕店, 其實是賣Frozen Yogurt, 我問店員:「舖頭名點讀呀?」, 靚靚女店員:「(音:國語「要要」) 我哋係西班牙嚟嘅, (我:咁個名點解呢?), 我哋又唔知喎」
這間於2009年成立的西班牙品牌llao
llao, 原來只賣一款Yogurt,
店員:「我哋有6款生果醬, 6款朱古力醬, 12款Topping, 及6款水果可以畀你揀」
我揀了$39可以從30款配料中揀3款, 旁邊有男士說:「唔好落朱古力醬, 配生果醬先Match」(鬼唔知咩...朱古力大爺肯畀我揀先得架!!)
囝:「我想要朱古力榛子醬,
M&Ms, 朱古力粒, 同提子乾...」店員姐姐:「但你只可以揀3款, 如果加一款就額外加多$6」
我不斷遊說囝:「爸爸想食哈蜜瓜, 得唔得??」, 就連姐姐也出馬:「加D生果好食D...」
結果細胆的小朋友勉為其難:「姐姐你要放埋一邊, 我唔想成杯雪糕都有生果....」(如果成杯滿生果, 就真係抵到爛)
SY很滿足的不停口食食食, 我就試一口, 大叫:「嘩!咁酸嘅??」囝:「Yogurt喎, 係酸酸地架, 乜你唔知嘅咩, 超好食喎」
其實, 滑就是很滑, 自己對乳酪麻麻地, 不過少少酸配生果, 反而覺得我的哈蜜瓜夠甜... 事實上有得揀, 我還是愛重奶味的雪糕...！
囝:「爸爸...你淨係食晒D生果就夠啦? (我:唔要啦, 好酸), 咁我食晒佢啦...」(咁你快快食啦, 唔係一陣間被媽媽見到又話你成日食雪糕呀)
旺角豉油街33號地下B舖
大仁生活facebook
沒有留言:
張貼留言