【搵著數嘆一餐】$1蚊食韓國炸雞 !! (慳足$179蚊)

今晚又到「達人包車」食飯...去年尖沙咀總店新開張, 專誠試她們的【霸氣韓燒】88cm大大串. 一年後, 銅鑼灣新店開業喎.

SY:「爸爸!!食過你都會再食嘅咩?」, 因為銅鑼灣新店開張有著數...否則我也未知過來, (因為E架「包車」幾貴)

而6月底前, 消費滿$100, 2人可以$1食半隻炸雞, 滿4位則可獲全隻.

今晚阿太有節目, 是兩仔爺撐枱腳. 縮骨精的我一早計好....單「烤牛肉紫菜包飯 $65」, 再加一杯「芒果梳打特飲 $50」 (幾鬼貴杯嘢), 哈哈!過$100啦.

對不起....吃過「紅磡CHARLES炭火紫菜包飯」, 我只可以說 TWICE九個人, 也不是個個靚啦...正如你食過德美, 八寸, 森...可能也不會看元氣一眼.

主角登場!! 登登登凳...$1蚊雞登場, 如果以$1有6件雞, 不會有人對她有批評啦...(家吓, 旺角道買串魚蛋, 最平都要$3蚊呀!)

如果我點評...會不會很「折墮」呢?? 如果要我原價$180元食這半份蜜糖炸雞...我可能會喊...雞沒有雞味, 不嫩又乾. 唯一好處就是蜜糖夠份量, 感覺好飯後甜品.

SY吃了半口...之後便轉戰紫菜包飯, 及薯條, 結果我一仁吃了5件, 及半份紫菜包飯...今晚好飽.

臨走時SY說:「爸爸! 隻雞仲未嚟嘅? (我:雞? 米我哋食完囉), 吓? 唔係有隻燒雞咩? 就係嚟食E隻雞...好難食, 唔好食嘅」($1蚊咋喎, 抵成咁, 你仲有咁多要求??) 

達人包車
日期: 2016年6月3日 - 30日
地點: 銅鑼灣駱克道491-499號京都廣場3樓
電話: 2351-0880


大仁生活facebook