朋友H找我:「馬鞍山泳池新開咗間Cafe, 一齊去試囉?」, 心想:「嘩!! 一邊嘆冷氣, 一邊食好嘢, 對眼仲可以睇靚女游水...正喎...梗係去啦!!」
「不過...睇靚女游水先嚟落雨, 唔通連個天都唔鍾意我?」老實說, 非常頹...幸好這間Cafe食物很不錯.
我問店員:「E度係米新開呀?」, Kevin答:「2月我哋開咗一個禮拜, 不過因為當時未準備好, 所以停咗2個月, 今個星期, 泳池重開, 咁我哋又索性一齊開」
這裡店員很好客, 東傾西講無問題, 只是他們全都不願上鏡...Kelvin:「E部單車係我踩返工嘅, 借你玩, 不過出面康文署唔畀踩喎」(公園都唔畀踩單車...變態)
食物方面...真心強烈推介...黑松露野菌炒意粉 $52. Kevin建議:「你聞下D黑露先食, 唔好嘥, 真係好香嘅」
最初會覺得黑松露不夠喉, 但當吃了3-4口之後, 你一定會被這碟炒意粉著迷. 超入味, 而且好食到停唔到口, 如果黑松露再多一倍, 100分啦!!
紐西蘭西冷(7安士) $62,
Kevin:「E個係每日限量嘅, 我哋個廚話, 最好一口牛, 一口蕃茄, 再一口牛, 咁先會食到真正牛味.」
其實, 我一向都是一口牛塗大量茄汁,
食法也差不多啦. 這份西冷的汁帶甜, 配上很腍的牛, 已經贏盡出面街不少餐廳.
黑松露芝士薯條 $58, 就是有少少失望, 同樣黑機露未算多, 而且最初我以為可以薯條拉芝...結果, 不是這回事.
Kevin:「我哋最初真係可以拉芝, 不過成本問題, 要賣到$70以上, 我哋E個位較難做到」(不如你Set兩款芝士囉, 一個貴可以拉, 一個平就係E個比較下, 邊個受歡迎吖)
食環境, 食氣氛...全天侯泳池景, 不得了, 有得睇, 有得食, 下次過來試下午茶應該更抵!!
馬鞍山鞍駿街33號馬鞍山游泳池旁邊
營業時間：1100-2000
聯絡電話：26613288
大仁生活facebook
馬鞍山鞍駿街33號馬鞍山游泳池旁邊
營業時間：1100-2000
聯絡電話：26613288
大仁生活facebook
沒有留言:
張貼留言