網頁

2016年5月6日 星期五

【絶密!!餃子王重出江湖】工廈都食到日本赤豕餃子

工廈竟然有超正日本赤豕餃子食? 救命呀! 好食程度如同食過A5和牛,「返唔到轉頭, 愛你愛到死」


這間「和牛專門店」, 早前我經過數次,  也沒衝動走入去.  (和牛咁貴!! 我又唔識煮飯),  今日, 因為樂駝柒黃小姐介紹:「食水餃吖...我請你」, 之後便帶我去認識凍肉店的老闆徐師傅.

店內徐太不停手忙著包餃子, 我對她說:「我經常過嚟, 無諗過凍肉舖有得賣餃子之餘, 仲可以即場食埋添喎」


徐太:「因為我哋賣豕肉, 剩好多碎肉, 徐師傅話唔好嘥, 於是就包埋餃子, 最初我哋都係畀駱駝漆大廈D朋友試食, 食完大家畀面都話好食, 咁我哋索性順便做埋堂食囉」


(徐太你不嬲都賣開餃子?) 非常好人的徐太:「我唔識㗎,徐師傅教我, 佢以前係灣仔碼頭賣水餃」(原來係隱世高人...)


不願上鏡, 但又非常好客的徐師傅, 197812月跟拍檔, 在灣仔碼頭推木頭車賣水餃的故事, 一直跟我分享...


原來80年代初, 他們已經包辦了所有日本超市的餃子來賣, 之後師傅變成一個人走上國內創業, 最後還是覺得香港好, 愛‧回家, 於是兩夫婦年前於駱駝漆開了「和牛專門店」.


徐師傅:「我真係日日都食自己嘅赤豕餃子, 其實愈肥嘅豬愈好味, 不過好多人接受唔到黑豕, 咁赤豕比較瘦, 就中庸D, 包韭菜香到不得了」


(妳一日最多包幾多隻餃子呀?) 徐太答:「我都唔知包幾多, 不停包, 大約每日包三大盤肉囉, 可能過千隻掛, 真係唔計過...(咁又係..可能包到麻木晒)


徐師傅推介我, 餃子食厚皮會比較好, 但可能我受家母影響, 始終覺得薄皮食得輕鬆, 又舒服.


第一次食赤豕包成的餃子, 要滿足感就選擇鍋貼, 一食難忘, 食不停口, $4215, 平時街外餃子, 我最多食10, 今日KO15, 仍然想食...因為, 真心好好好食.


赤豕較平時吃慣的豬肉, 微微多少份油香, 肉味更出, 原來豬肉可以如此好食...都是那一句 :「上晒癮...食過好嘢...返唔到轉頭㗎啦!!



外賣, 堂食價錢一樣, 不過坐低進食, 除了食後不用洗碗外, 更可以有徐師傳的真人故事收聽. 絶對雙重享受, 招積! 出色! 舒適! 超級! 超值!



$45有15隻 (餃子‧外賣/堂食同價)
蒲公英和牛專門店 Tanpopo Premium Food Specialists
觀塘開源道60號駱駝漆大廈3期1樓F室
2389 2184
星期一至日: 12:00-19:30



大仁生活facebook

2 則留言: