2016年5月29日 星期日

【炭火紫菜包飯】韓國五強之一‧ 巨龍燒肉包飯闖紅磡

韓風凜凜...老友告知:「紅磡又開咗一間新韓國嘢, 話係咩韓國觀光公社選為全國五強紫菜包飯店之一喎」嘩!!來頭不菲喎... 一定要見識見識.


其實位置向大街, 之前向附近保安問路...他答:「直行啦, 做乜最近咁多人問去嗰度?」(韓風真係勁!!)



結果, 晚飯時間全場滿坐, 不過門口不用排除, 可以直入. 韓藉老闆還親力親會分配位置添.



即叫即包的紫菜包飯, 可惜店員不准我拍攝...SY:「我記得之前同媽媽去觀塘自己包過E啲飯嚟食」(嗰日你倒瀉晒人哋D飯吖麻...我記得)


等候時間大約15分鐘, 兩條手臂長的紫菜包飯便正式上枱. 全店有17款紫菜包飯, 我們點了人氣No1炭燒豬肉紫菜包飯($68), 雙層芝士紫菜包飯($62).



SY:「點解「炭燒豬肉」會少過「雙層芝士」一舊嘅??」我答:「係喎..不過人手切, 大細不一, 應該條條都一樣長嘅」(細路又會咁心水清嘅?)



人氣推介絶非浪得虛名...真心好好食, 燒肉又夠香, 配蔬菜絲, 黃蘿蔔, 愈食愈開心. 聞說因為食材真‧韓國貨, 所以才非街坊價出售喎. (價錢平D, 梗係好D, 不過都接受到嘅)


(小朋友邊款好食呀?), SY:「雙層芝士...(? 你真係唔識食, 你無炭燒豬肉, 得舊餐肉咋喎??), 我話有芝士好食, 唔係我嗰條好食呀!



我心諗:「無錯...應該加第18, 炭燒豬肉芝士紫菜包飯啦!!


隨紫菜包飯會送上每人一碗味精湯, 不過算有少少心思, 加了蛋花...嫲嫲搶說:「加隻蛋, 容乜易吖...個湯十足公仔麵水, 個底仲鬼咁多胡椒粉添」(乜妳仲奄尖過我?)



試完乾身的紫菜包飯, 便來兩碗湯年糕, 辣炒芝士年糕泡麵($78), 連吃得辣的阿太也覺辣...如果可以揀BB辣就好啦!!


早知不要貪心玩拉芝, 因為可能店內冷氣較大, 湯麵很易放涼, 結果沒有混入的芝士, 變了一大堆如煮老了炒蛋.



SY:「爸爸, 唔好畀我食呀! 頭先我嗒咗一啖都頂唔順, 如果要我食, 真係會辣死得架」


年糕餃子湯...($78), SY:「畀八方雲集細咗D, 不過E度有年糕, 好食好多」我:「你唔覺個湯好鹹咩?



SY:「我都無要D, 但我鍾意食偏偏E個年糕, 長長嗰好辣」


今次故事又教訓我, 人家一早說是韓國五強紫菜包飯店, 我來點湯麵, 湯年糕....即去Pizza Hut點飯食, 一定不及食Pizza.



利申:我係港佬, 愛食港版厚批Pizza!


CHARLES炭火紫菜包飯
地址:紅磡必嘉街104號紅磡灣中心地下20號舖
電話:5327-6288

大仁生活facebook

1 則留言: