韓風凜凜...老友告知:「紅磡又開咗一間新韓國嘢, 話係咩韓國觀光公社選為全國五強紫菜包飯店之一喎」嘩!!來頭不菲喎... 一定要見識見識.
其實位置向大街, 之前向附近保安問路...他答:「直行啦, 做乜最近咁多人問去嗰度?」(韓風真係勁!!)
即叫即包的紫菜包飯, 可惜店員不准我拍攝...SY:「我記得之前同媽媽去觀塘自己包過E啲飯嚟食」(嗰日你倒瀉晒人哋D飯吖麻...我記得)
人氣推介絶非浪得虛名...真心好好食, 燒肉又夠香, 配蔬菜絲, 黃蘿蔔, 愈食愈開心. 聞說因為食材真‧韓國貨, 所以才非街坊價出售喎. (價錢平D, 梗係好D, 不過都接受到嘅)
我心諗:「無錯...應該加第18款, 炭燒豬肉芝士紫菜包飯啦!!」
試完乾身的紫菜包飯, 便來兩碗湯年糕, 辣炒芝士年糕泡麵($78), 連吃得辣的阿太也覺辣...如果可以揀BB辣就好啦!!
SY:「爸爸, 唔好畀我食呀! 頭先我嗒咗一啖都頂唔順,
如果要我食, 真係會辣死得架」
SY說:「我都無要D湯, 但我鍾意食偏偏E個年糕, 長長嗰好辣」
利申:我係港佬, 愛食港版厚批Pizza!
CHARLES炭火紫菜包飯
地址:紅磡必嘉街104號紅磡灣中心地下20號舖
非常讚哦!....
回覆刪除