【親子耕田生日會】天台農圃‧ 綠色又玩又食

去年10月, 希慎開放了38樓天台農圃一個月, 哎呀! 銅鑼灣原來都有個農場? 事隔半年, 天台農圃又再開放, 今次竟然是攪生日會!!

今次非常親子, 因為是3小時的生日會, 有5大環節, 難怪同行老友說:「嘩!抵過去麥當勞開生日會喎」

空中耕作扮農夫, 連我亦很有興趣, 因為我想親手於銅鑼灣種有機粟米, 不過, 小朋友玩一玩, 扮淋水, 個個也舉手說:「好玩呀!」

小朋友一見小昆蟲, 非常雀躍:「甲蟲呀! 好細隻, 好靚呀」, 「怕羞草有草蜢呀!!」小農夫大叫大笑...很難想像35度下, 扒泥, 除雜草, 播種...可能會嚇怕了他們喎.

魔術變紅蘿蔔, 變粟米, 變青瓜, 好勁呀! 阿太話:「我想變個榴槤啦梗係...」

舊Tee DIY環保袋, 我又沒有想過, 衫尾不停打結, 打結, 打結便可以密封件Tee, 雖然賣相有點怪, 但下次出街無帶環保袋, 可以用底衫做環保袋喎.

生日會其中一個環節, 可以砌Lego, 如果阿囝知道一定開心到爆...不過, 我心諗:「砌Marvel, 用美國隊長耕田可能更加正喎」

個個小朋友也愛扭波波, 究竟誰人發明這個無敵的廉價殺手鐧呢? 聞說高過我的菠蘿, 一呎大肥牛, 及BB車大白兔全部都送給壽星仔...

作為貪心爸爸, 想要Lego多一點...

最後就是走到7樓的享用生日大餐...孤陋寡聞的我, 第一次發現...這個「城市綠窗」餐廳好有氣氛呀!!

小朋友9大簋, 有雞翼, 薯條, Pizza, 腸腸, 三文治...全部SY最愛...今日連渝渝也說:「三樣我最鍾意食雞翼...」

每位小朋友都可以收到小盆栽...渝渝好開心, 不過媽媽說:「妳種親都死嘅...(渝:因為你唔記得淋水)」

室內很難養植物, 我家一樣, 所以養玩具植物可能好好多, 起碼一定無死!! 

全港唯一城市空中綠色生日會 @ Lee Gardens
網址：www.leegardens.com.hk/greenbday 或致電2505 4005查詢。

大仁生活facebook