網頁

2016年5月13日 星期五

【屋邨之寶】地道人情味 ‧ 忽然驚喜掃街仁

香港地人情薄過紙, 所以我愛屋邨情懷, 大叔嚮往左鄰右里, 街坊街里, 即使唔熟也會無所不談的情景.


(容許我今次不開地方名, 知道的也請扮作不知好了. 因為本港食環, 房署最愛斷人生計, 我唔想大家搵啖飯食, 咁都受影響)


自從去年農曆新年, 我們的桂林夜市也被「優質」的食環趕盡殺絶, 我最懷念的掃街風味, 原來在香港某屋企, 每晚也可以享受得到...感恩.


麥姨姨賣炒魷魚已經超過十年, 依然堅持逐條賣:「鍾意食幾多先買, 我唔想迫人買吖麻」


一元一條炒魷魚, 絶對沒有想過今時今日香港地, 一元還可以買到食物. 麥姨姨:「送多一個金鋼圈(小魷魚片)畀你, 食得辣, 搽少少, 零舍不同」


梁叔叔的串燒, 香到不得了, 我對叔叔說:「前日無開檔嘅?逢星期一休息?」梁叔叔答:「咁啱無開啫, D, 唔好意思呀」(其實, 我八卦咋, 梗係唔駛同我講唔好意思啦)


全檔也是$8一串, 只有司華力腸賣$12, 其實絶對超抵. :「有冇咩推介呀?」梁叔叔:「雞軟骨, 豬頸肉最多人賣囉」


叔叔的雞軟骨認真無敵, 帶少少肉, 有咬口又入味, 好食到最少要買2... 發現龍蝦丸有少少焦燶, 叔叔:「幫你剪走佢先食啦..., 食物有感情會特別好味道.


燕姐可以說是較新加入的檔主, 賣西米露甜品只有兩年經驗, 但她應該超愛吃西米露, 因為見她一邊賣一邊自己不停食...


燕姐:「我自己最鍾意雲呢拿冰西米露, 我日日食架...!你影還影, 唔好講地點呀! 我唔想無得做呀!(我答應得過, 一定唔會𧪿...)


我很少食冰, 但燕姐自家製的雲呢拿雪糕冰, 足料之餘, 雪糕感重於冰, 再配她的手工西米, 芒果...大熱天時, 由食道爽到入心


本來, 還有一檔8元的格仔餅/雞蛋仔叔叔嬸嬸檔, 但不知為何今晚除了年青人, 還走來十多位外國人. 老闆非常忙碌, 不過他不願上鏡


今晚全部鬼仔鬼妹也買格仔餅, 所以雞蛋仔不用等...嬸嬸遞上雞蛋仔時還溫馨提示:「唔好等咁耐呀...焗住係袋, 耐咗唔好食.



雞蛋仔的賣點是便宜, 好食在於親切的情味, 忽然會覺得自己也是屬於這條邨, 下次我要穿白背心, 孖煙通, 踢拖過來, 更有風味.



大仁生活facebook

沒有留言:

張貼留言