今晚帶SY與朋友聚舊...一走入煙廠街Snkrholic, SY大大聲:「爸爸!! E度賣波鞋㗎喎, 真係喺度食飯??」
這間扮波鞋舖的餐廳只開業一星期, 一看便肯定是籃球迷所經營...阿樂:「我儲波鞋, 不過我只係打工咋, 我大伯先係籃球迷, 佢就係老闆啦」
SY:「爸爸! E度好得意, 天花板有個足球場, 同埋唔知邊個踩咗好多腳印係度...」(其實天花上面嗰個明顯係籃球場啦)
有小朋友在場, 不想飲啤酒, 雖然這裡主打十幾款不同啤酒...我問阿樂:「有冇其他特飲推介?」
於是就在了一支Blue Punch〈$88〉, 店長阿傑:「佢係水加CO2, 我E家即場打氣入去, 再有新鮮水果, 次次唔同㗎, 你今次係蜜瓜, 士多啤梨」
阿傑形容很合適夏天飲, 因為夠清涼, 不過因為不是梳打, 只是打氣入水...所以...雖然健康, 但很淡口, 朋友說:「梗係啦, 佢梗本係水呀!」
佐酒一流的小食孖寶, 芝麻蝦多士($58), 及
單骨水牛城雞翼 ($58), 兩款也超入味...
雞翼醃得連骨也有味道, 而蝦膠的鮮味...脆脆的小多士....我也忍不住破介吃了兩件...皮膚敏的仁, 回家唯有食藥止身痕啦....
午餐肉米漢堡〈$68〉, SY:「有芝士喎...我鍾意塊肉呀...唔韌㗎」, 我:「午餐肉梗係唔韌啦...」
我會比較愛傳統的牛肉做漢堡扒, 不過米飯包輕輕煎過, 夠香口, 零舎不同....(大份少少就更好啦)
主菜點了肉眼扒($128), 雖然阿囝大叫:「好韌呀!!」, 但其實只是微微的不夠腍,
有進步空間...
朋友說:「如果問問我「要幾成熟」可能會好D囉...」, 口水仔又說:「如果多D薯條可能會好D囉」
波鞋迷, 籃球粉過來一定會好好興奮,
因為老板真的有個籃球, 可以齊齊鬥波喎...
而且阿樂珍藏4千元限定版波鞋, 拜仁, 佐敦戰衣掛滿牆, ...SY:「佐敦?佐敦地鐵站都著衫?」(Bearbrick我就知炒價, 籃球...我倆仔爺真係識條鐵)
Snkrholic
地址: 九龍旺角煙廠街31號地下
時間: 12nn-12mn
電話 : 2608-3225
大仁生活facebook
沒有留言:
張貼留言