網頁

2016年5月10日 星期二

「屋邨的吊床」新派糖水舖~攻入南山邨 @糖室

南山邨是一個令人感動的舊屋邨, 不過, 當旁聽石硤尾邨早已翻天覆地, 這片本來仍未被染污的樂土, 原來4月尾開始靜靜有異動.


不知是否我杞仁憂天, 還是「諗多咗」, 但我真的很怕這個依然可愛, 人情味超濃的舊社區...會被美其名潮食新鮮感, 卻換來另一個領展的翻版?! ()



朋友C:「南山邨熟食亭新開咗間新派甜品舖喎...新嘢, 你一定啱啦」, 我當然最愛去試新肆啦! 今晚飯後即去...


SY:「爸爸! 好熱呀!D入去裹面啦...(你唔玩吓門口張吊床?)...」於是我抱他上吊床後, 小朋友興奮得搖來搖去也不下來. :「你唔入去涼冷氣啦? (SY:好玩吖..我想玩多陣)


通常我習慣問店員:「有無又靚又好食嘅甜品推介?, 女店員答:「覆盤子梳乎厘OREO ($56)~新假期都係影佢嘅; 荷蘭班戟雜莓楓糖燕麥 ($68)~我覺得最靚囉.(咁就E兩款啦)


Menu的相, 兩款甜品也看似一磅蛋糕一樣, 但原來出來的效果, 絶對是雙人份量而已.


我超愛食蛋味專一, 食了一陣風, 又似沒有食的樣子的梳乎厘, 不過加入覆盆子...我們4口同聲:「好酸..


我不愛看Menu, 所以勁無知的問:「黑色嗰D係蓮蓉?」舅仔:「好彩係OREO, 如果係蓮蓉真係又酸又甜, 真係酸過DeeDee


我又問店員:「點解E個叫荷蘭班戟嘅?」茫然的店員問完大廚答:「因為荷蘭真係咁食架喎」


作為土生土長的香港人, 還是愛吃沒有花臣的土產牛油煉奶班戟, $10大大件...


我說:「荷蘭人真係講究, 又要加咁多生果, 又要加早餐麥片, 不過加咁多嘢...破壞晒原有班戟味...


SY細細聲在我耳邊說:「乜唔好新舖頭一定要講好食嘅咩? 爸爸...你話唔好食, D人會唔會唔嚟?(放心啦, 講事實啫, 同埋...都無人睇你阿爸個BLOG, 講乜都得)



另外, 凍食有一個檸檬柚子冰($42), 最吸引SY的就是兩粒開邊的雪糕糯米糍, SY:「好食呀! 不過OK$17, 大粒好多」


舅仔一口吃掉柚子說:「嘩!一堆果Jam撥晒入口, 真係勁甜...SY啲小朋友先會鍾意食...


最後, 我要讚一讚石榴奶昔($36), 可能我愛石榴, 天時暑熱, 清新又香石榴味+凍冰冰奶昔, 好飲...



臨走前, 本來想給老闆小小意見, 但店員答:「老闆呀! 佢好少返嚟喎」, 好奇上網查一查, 原來這間甜品舖, 正正就是觀塘一間$68玩吊床一小時的地方


!集團式經營, 難怪全店與南山邨的人情味格格不入吧!


chillazy dessert 糖室
石硤尾南山村平台商場熟食亭C4 (石硤尾站B2出口)
開放時間: 1500 - 0000 周末(1500 - 0100)


大仁生活facebook

沒有留言:

張貼留言