2016年5月3日 星期二

【最後2次撐社企Cafe】堅好食!! 超抵!! 支持堅持夢想的年輕人們‬

今晚我們去社企食晚餐, 雖然等了2個鐘, 但又平又抵又好食, 非常滿足.


不過, 臨結帳前社工姑娘對每位客人說:「我哋做多兩個星期Timachine正式完結啦」, 我好失望:「吓?唔係呀?點解唔做吖」 



Timachine位於石硤尾YMCA 6樓的一間社企Cafe, 原來已經營運一年半, 只是我後知後覺, 最後一個月才找到她


社工姑娘:「我哋係申請匯豐資助基金, 年輕人全部親力親為, 義務一腳踢, 為夢想營運餐廳, 盡量吸收經驗. 我哋扣除成本, 就會去幫明哥買飯盒派畀露宿者, 同長者, 如果你哋同小朋友有興趣, 下次大家都可以一齊嚟派飯畀公公婆婆㗎.


Cafe只有24個座位, 有朋友15:30過來登記, 18:00才可入座, ※註:Cafe不設訂枱服務


但大家記得一定要在Facebook預留食物, 姑娘解釋:「好開心得到好大家支持, 食物一般18:00已經賣晒」


我大安旨意以為飲品不用預留, 所以只留了Timachine Rainbow $39/$14跟餐18:00所有熱飲全部售罄, 哎呀! 我本來想點三眼仔抺茶拉花...無啦!!~~


社工姑娘建議:「試管顏色由深到淺倒入杯啦」, 結果每枱都溝得靚靚, 唯獨我們的如同墨汁一樣黑, 阿太:「你倒走晒D, 人哋多冰就分隔開D顏色囉」


雪山流心漢堡(配鮮薯條)($56套餐) 班尼迪蛋黃汁滲入手打漢堡, 再配頂層半溶芝士, 不得了, 食一啖已經滿足到不得了, 牛肉又夠嫩, 絶對水準之上.


麵包塗上牛油再烘, 輕輕脆的感覺, 一定要豎超大拇指. SY:「薯條先最好食...可唔可以叫多一碟薯條畀我食呀? 爸爸」


邪惡芝士熱狗 ($ 56套餐) , 我額外多加番茄($4), 及磨菇($4). 興奮加得太多餸料, 根本不能拿上手食, 唯有用刀叉...


香腸未夠邪惡, 當發現箇中原來是雙芝士腸, 才是惡上加惡, SY:「好辣...好酸」因為加了大量黃芥苿, 及茄汁的原故, 可能放在一邊自己調就更加好. 但其實這個熱狗也好好食.


時光機牛扒菇薯蓉($56套餐) , 超巨型菇菇, 舅仔:「都幾抵喎, 大啡菇係超級市場買都要$30蚊兩個, 仲要煮呢, E間嘢都好抵食喎」


女巫香草肉丸配意粉 ($ 56套餐) 似混入蕃茄醬的卡邦尼意粉, 一份四個人食, 剛剛好, 因為如果半碟也會非常膩. SY:「我好飽, 我只係食一啖意粉咋」


肉丸方面原來同樣是手打, 阿太:「好似宜家傢俬肉丸好食D, 舅仔:E度足料好多, 不過佢用得太多粉, 所以較韌較硬, 如果唔係就會好好食」 


紅寶石草莓吐司杯 ($57套餐) , 店員還未來得及將迷人粉紅甜品放上枱, SY大叫:「我要食..我要食..好靚呀, 一定好好食」(頭先你又話飽嘅?)


我對甜品殺手SY:「哎呀! 杯邊, 漏落碟嗰D唔好食啦」, 但小朋友似林日A上身, 無視我食得津津有味, 舅仔最初做雪糕是Häagen-Dazs, 但店員說:「唔係喎, 不過係秘密」(點解咁神秘呢?)



※註:培訓青年計劃接近完成, 所以21/5 , 28/5 (星期六) 將會是Cafe的最後兩次營業日子
*** 超唔捨得!! ***, 我都想再去支持年青人.



時光機 TiMachinE
地址:九龍窩仔街100號石硤尾邨第二期服務設施大樓6樓A室
電話:2778 2727(YMCA石硤尾電話)
時間: 2pm-9pm (只限星期六營業)

https://www.facebook.com/TiMachinE.HK (不設訂位, 但可幾預留食物)



大仁生活facebook




沒有留言:

張貼留言