【單身Oppa賣炸雞】街坊小店!! 堅‧ 韓國家鄉風味

真‧韓食才叫吸引, Fredy與拍檔10個月前放棄韓國一切, 2位Oppa毅然在紅磡開炸雞店. 阿太:「對面望過嚟間舖, 真係有少少似去咗韓國喎」

小店只有炸雞, 雞翼, 及年糕三種小食, 但全部即叫即炸, 正在炸雞的Fredy:「我哋所有嘢食都係韓國嚟架」 

阿太:「炸雞, 小Size同大Size有幾多隻呀? 」Fredy:「(小)大約8-9件, 大就唔清楚」, 因為我們想三款小食都試, 所以就點(小)$25份量.

很攪笑的Fredy不太懂中文, 但電話有併音:「我叫Fredy, 今年35歲」, 在場有女食客即驚訝:「一D都唔似呀!」, (我都係估佢25咋) 

甜味, 或辣味炸雞, 我為了阿囝選了前者, Fredy:「炸雞大約炸8分鐘」(你慢慢炸, 因為我都想慢慢影...嘻嘻!)

(你又捨得韓國呢?) 有點似張繼聰的Fredy:「我兩個月前先返過屋企一次, 不過我好鍾意香港, 所以放棄咗廚師工作, 同朋友嚟香港創業」

(咁你韓國位女朋友點算?) Fredy靦覥:「我都無女朋友, 我希望可以識一位香港女朋友, 我鍾意香港女仔」(嘩!你咁識講嘢, 聽日開始就大批靚女嚟排長龍搵你)

SY愛芝士, 所以我們+$5變成拉芝炸雞...阿囝望著正在舖芝士的Fredy說:「嘩!好多芝士呀!好嘢」

最後, Fredy會用最純正的廣東話問大家:「要唔要加花生?」, 食炸雞一定要配粒粒花生米.

一口炸雞, 配上韓式甜醬, 又香又甜又好味. SY:「我仲以為好辣, 原來係甜架, 我兩啖就可以食晒啦, 爸爸!」

這杯Tiffany Blue檸檬梳打水, 同樣即點即切檸檬即製, 原來韓國七喜都好飲好多.

阿太:「頭先對外藉情侶, 自已買啤酒,坐係旁邊地產舖門口送炸雞喎」 我還是覺得炸雞配汽水更加好享受.

$45 8隻雞翼, 絶對麥當勞價錢, 但質素完勝. 這8只雞翼肉多多, 不似麥記的瘦削, 又乾涸, 原來韓國連雞都肥美過香港.

韓式年糕仔($20)同樣超值, 阿囝:「我都想食...(我:不過辣喎)...哎呀! 汽水又飲晒, 咁我都係唔食啦!」

其實, 這是屬於少辣, 不過為免再多買一杯汽水給小朋友, 還是自己食. 阿太:「好得意呀...星星嚟架喎」

配辣醬的年糕好食又醒神, 小店不停播著韓國勁歌, (不過我唔知邊個唱), Fredy又好客, 如果可以加兩張高凳, 感覺更加好.

PS: Fredy好有興趣學廣東話, 今日即學即抄即講:「大家好, 想要食D乜嘢?」, 語言天份奇高. 


IM Chicken
地址: 紅磡蕪湖街117號地舖
星期一至日: 13:00-01:00


大仁生活facebook