【實驗室食矜貴D??】戒煙花花沙律 + 杯朱古力仲有D橙皮添

旺角甜品街的核心範圍, 忽然又多了一間實驗室, 重工業風, 銅管, 鋼閘, 水泥牆, 好Raw, 好潮, 價錢當然亦不便宜的食肆.

餐廳分了兩層, SY一邊走上樓梯, 一邊說:「爸爸, E間唔係嚟過咩? 食甜品架麻, 但我哋都未食飯...」

老實說, 旁邊幾間甜品店, 真的全部吃過, 而這實驗室格局又果然似HeSheEat, 難怪小朋友也混淆.

我們先點煙三文魚花花凱撒沙律 ($88), 侍應姐姐送來同時說:「等一分鐘先好打開喎」(咁得意??...)

專登用手機計時的SY, 時間一到, 即時打開密封的玻璃瓶...原來有薄薄的輕煙緩緩偷走出來.

SY探鼻嗅一嗅, 大叫:「嘩! 好臭, 好煙...」真的會否是為煙民戒煙而設呢? 店員:「係蘋果木嘅煙味」

快快將三文魚花, 沙律菜會部拿出來吃吧!! 可能貴就貴在這口煙...拿了出來, 好食好多.

一杯朱古力多到滿瀉的Dark Choco, 特別為SY而設...SY一見至愛上枱即嘆氣:「嘥晒D朱古力...漏晒出嚟嘅」

快快一大口喝了朱古力後, 小朋友即時露出怪異的表情:「點解杯朱古力好地地, 要加香蕉嘅? 即刻唔好飲」

於是問一問店員, 他答:「係呀!有蕉, 仲有少少橙皮添...(哦!咁真係電視節目有好多種囉)」

接力的由芝士番茄黑豚肉柳 ($148) 補位 ,  我說:「不如影下我芝士拉豬啦...」

結果表面的芝士溶未夠多, 白費心機, 但番茄芝士配肉汁黑豚柳是好味道的, 有豬肉味又不韌, 又夠賣相, 如果可以再配意粉就更加好.

鹽燒牛柳粒串 ($78), 價錢足足是豬的半價, 感覺超值得多. 因為份量也是差不多.

如果是牛柳的話, 略嫌...可以更腍, 不過那附送的芒果味芥末, 醒神得來, 才是神的大毛筆.

生菜肉碎包 ($68) , 這個食上海菜館必點的食物, 西餐廳都有售...感覺有點格格不入, 不過好食.

微微辣的肉碎, 有少少青椒, 粟米, 洋蔥...SY怕辣但也「扮嘢」吃了半個包, 可想而知味道絶對上準之上, 這個最抵食.

最近, 與朋友研究:「點解近排D食肆價錢貴咗, 而且都食唔飽呢?」

朋友E答:「梗係啦, 細細份, 你先會覺得矜貴, 夠IN喎」(我份人又Cheap, 又Out, 咁可唔可以畀大份D我??)

Lab66
旺角黑布街74號地下1號舖
3709 2866
星期一至日: 18:00-02:00



大仁生活facebook