【支援熊本】林慧美~珍藏義賣賑災~三日企劃解讀

前晚, 阿太高興對我說:「星期五我請咗假去林慧美個義賣會呀, (我:咩嚟?), 為熊本災區籌款架, 好有意義㗎」

阿太一向是林慧美的忠粉, 但為何突然如此關心日本災區呢?

她答:「佢將佢嘅收藏全部攞出嚟義賣, 我見佢個Page影到好多Re-ment嘢...絶版㗎, 我想買嚟襯我D杯緣子」(原來唔係一心為震災嘅?)

向來八掛的我, 也想見偶像, 可惜星期五下午有工作, 所以冒昧PM林慧美, 問可否早少少來做個訪問呢? 誰知偶像竟然即時回覆:「無問題!!」嘩!高興到彈起.

因為我較義賣時間約早了兩小時, 阿May看來非常急趕, 真的不好意思, 我直接問:「點解會攪今次義賣呢?」

阿May答:「我鍾意日本, 6歲第一次跟爸爸媽媽去熊本, 第一眼望到那座綠色的阿蘇山, 我就認定, 我愛日本」

(咁地震當時你都係日本?) 阿May說:「當時我喺岡山, 知道有地震, 我就第一時間聯絡當年熊本做義工嘅朋友, 點知聯絡咗三日先搵到佢哋, 真係好擔心, 好彩E家無事」

(今次活動有冇邊樣物品你最鍾意?) 阿May立刻走到兩箱re-ment玩具前說:「十幾年前開始儲, 因為佢哋好靚, 我鍾意食物, 又鍾意日本嘢, 所以當年係香港買唔齊, 就算炒價都係日本搵返齊一套㗎」

(你個電話亭模型好靚喎), 阿May微微笑:「我懂事以來就鍾意綠色, 而日本電話又係綠色, 當年我係日本讀書, 用得最多就一定係公眾電話, 其實我仲儲咗好多以前嘅電話卡, 不過唔記得擺咗係邊」

(點解今次咁少熊本熊嘢賣嘅?), 笑到見牙不見眼的May:「因為熊本熊我主要買食嘅, 一早食晒落肚, 所以今次得返一個袋, 同一個頸枕」

今次［支援熊本義賣］行動, 林慧美會將義賣收益, 不扣除成本, 全數撥捐熊本及福島災區.

May說:「活動完結後, 我會第一時間匯款過去,  E一刻佢哋需要金錢多D, 而我應該幾個月後先會去當地做義工, 我怕E家去, 帶更多麻煩畀人, 就唔好啦」



義賣活動舉行時間:
4月29日（星期五）3pm-6pm
5月30日（星期六）2pm-7pm
5月 1 日（星期日）2pm-7pm

請聯絡林慧美專頁預約時間: https://www.facebook.com/maylampage/
參加方法：而要等阿May確認通知, 並憑通知入場。
付款方式：現金，不設找贖。
地點：佐敦

［熊本義賣highlight］
Tokyu Hands購入瓷豚（新品）$20
G Raw Star jeans $80
過期雜誌（烹飪、旅遊等）$2至$5
G Raw Star 布帽（新品）$10
Mercibeacoup 針織冷外套$150


大仁生活facebook