慈雲山新開一間型格甜品店, 我對阿太說:「個老闆又會開間舖頭係咁隔涉地方?」
阿太很大反應:「對面係鳳德, 上面又學校, 慈樂邨, 幾多人住呀...隔涉?? 我以前讀書, 就係同阿KO...」(得得得...我錯...40年前陳年舊時, 知你熟E頭)
前九龍灣小象café老闆Elvis說:「之前商場舖多多限制, 又麻煩, 2年約一滿即走」
(咁你點搵到E度?) Elvis一邊焗心太軟一邊說:「某日搭車經過, 見到E間吉舖...雖然離地鐵站幾遠, 但係我有信心可以引到客人上嚟, 咁就即租囉」
Elvis不單心太軟是自學回來, 原來雪糕一樣自己調:「我最滿意就係我打嘅雪糕, 我會睇心情變味道, 今個星期係橙蔓越梅乳酪, 充滿"童真", 好有小朋友食開嘅橙味雪條Feel」
店名「想甜嚐甜」, 原來有下聯「想做就做」,
Elvis形容為「睇吓你有幾想」
Elvis繼續:「好似我兩年前本來做文職, 因為想做甜品, 機緣巧合就頂咗之前間舖, 之後自己不停學做心太軟, 由十幾個食譜, 左調右調, 變成自己嘅口味囉!!」
榴槤王阿太一發現「榴槤飄飄處處聞$49」, 不用思考即點...
橙蔓越梅乳酪雪糕配榴槤+香蕉, 果然零捨不同.
SY:「D雪糕好得意, 有D蜜糖味, 我食雪糕, 媽媽食榴槤同蕉啦, 榴槤好臭」
新店有7款心太軟, 不用說...我家主子第一時間揀來黑朱古力味道 $39...SY:「哎呀!個雪糕調轉咗嘅...要快D食先得啦..爸爸...唔好影咁耐啦」
有75%濃朱古力, 正正合阿囝心意, 不過我見旁邊客人的心太軟, 一切即流溶岩, 但可能我不停與Elvis聊天, 我們的只有小小岩醬...
SY:「好食就得啦, 我哋嗰個都有流朱古力吖!!」(你老豆鍾意澎湃D吖麻)
原來這裡, Elvis只用了一個月時間, 便完成一切準備功夫, 開張大吉...
他說:「就係睇下你有幾想, 我好想開舖, 所以犧牲一個月去街, 娛樂, 同訓覺時間啫, 想做就做, 人人都得」(我都要努力...因為我想辭職, 不過未得...)
黃大仙蒲崗村道73號富佑大廈地舖
電話: 39564744
時間: 1pm-12:30am
大仁生活facebook
沒有留言:
張貼留言