從中環買了一袋骰仔麵包回家, SY見到問我:「吓? 用個麵包玩飛行棋? 但都無字㗎喎, 點玩呀?」
其實正正方方我順口叫做骰仔罷, 阿太:「你買咁多舊返嚟做咩呀? 點食得晒?」
舖頭一共有5款骰仔麵包, 其實我本來想各買一個, 不過Stephanie說:「買8送1喎, 仲有個特別透明袋裝住架」
貪心的我當然說好, 又八卦問:「D 骰仔麵包出咗幾耐呀?」
Stephanie答:「我哋上年9月開舖, 當時就已經有啦, (你諗出嚟架?), 唔係, 係D師傅一齊諗出嚟, 我哋幢牆都係咁砌出嚟」(真係喎!)
芝麻, 紫薯, 紅莓, 朱古力, 綠茶紅豆, 5款Mini Cube應該屬於低甜健康類吧!! 不過, 對於病態舌頭仁...麵包本身再重味少少會更好啦.
骰仔麵「叮8秒」質感好食好多, 否則外皮嫌有少少結實. 抹茶例必配紅豆, 大路穩陣, 一定不會出事, 不過不太愛紅豆的我就另作別論.
紅莓, 內含不少酸酸甜甜的莓肉, SY不停研究:「係米提子乾呀? 又好似唔係, 但係又甜甜地....爸爸!咩嚟㗎?」
今日, 一家三口竟然難得有共同口味,
便是認為紫薯味道最出, 阿太:「紫薯甜甜地, 又唔會太甜先好」(都係嗰句, 多D饀會更好)
其實朱古力痴的SY, 今日又會棄暗投明呢? 小朋友說:「兩隻都好食...」(梗係啦19:00都未有飯食...肚餓梗係乜都好食啦)
骰仔麵包,各$9 (買八送一)
Dreams.The Bread
中環威靈頓街97A
沒有留言:
張貼留言