「椰皇小鮮肉不得了!!」青衣大戲棚掃街9大之最 @ 真君誕

期待一年的青衣大戲棚大食堂, 終於返來啦!! 去年食足兩場, 仍然耳油未盡, 等了又等, 超正的「青衣戲棚大掃街 」...我來也.

點解今年青衣戲棚提早了10日舉行呢?? 如果不是阿太提醒, 我也不知道18號已經舉行.

連續第三走到青衣戲棚「真君誕」掃街, 年年總會有驚喜, 今年也不例外, 青衣大戲棚我們又見面啦!!

1) 全場最驚喜 ~ 椰皇 ($20)

童顏巨胸小鮮肉Sell椰皇, 大隻仔說:「飲得多就大隻囉」, 所以我即場$20買了一個. 可能我太老, 全身也沒有任何反應.

2) 人龍最長(食)~烤墨魚包糯米飯（$30）

全場有兩檔, 街尾的一檔人龍最長, 老闆說:「之後應該會係屯門井財街開舖, 不過暫時仲係裝修緊」(諗定分店都得啦...咁多人幫襯你)

日本稱烏賊包飯, 台灣才叫墨魚包糯米飯, 感覺會可能雞翼糯米飯健康少少, 不過無所謂, 一份5個人分, 毫無罪惡感. 夠香夠咬口.

3) 人龍最長(飲)~大大桶梳打（$35）

從未想過, 用SY到沙灘玩沙的桶來盛梳打水飲...朋友C:「好似好貴, 但免費任添㗎, 頭先個姐仔講...」

結果, 原來姐仔說少了「要補$20添飲」, 我們本來還想飲一半倒一半, 之後盡試9款汽水...好彩沒有浪費. 青衣梳打, 金鐘UA價....

4) 最長串燒~阿拉伯串燒（$10）

手臂一樣長的燒, $10堅抵. 正所謂「唔打得, 都嚇得」

可能太辣, 那些外族味的辣粉太強勁, 我完全吃不到鴨肉的味道. 總知走辣. 有小朋友只敢用舌頭接觸一下鴨串便投降.

5) 最呃Like/錢~「仙氣」粟米條 ($33)

今時今日, 一與韓國扣上關係,  立刻發達. 這個最煙霧彌漫的「埋嚟噴煙」攤位, 一定是全場最引人入勝.

不過, 出售一杯六粒的粟米條, 用乾冰炒約30秒, 之後加上朱古力醬,  店員說:「韓國最潮小食」. 

將粟米條含入口, 體驗鼻孔, 或口噴煙的情趣. 不過維時約只有3分鐘, 並且周圍聽到最多心聲便是:「搵笨嘅...幾粒淘哈多加乾冰賣咁貴」(米係囉!!)

6) 最翻炒仍然大賣~ 攪攪震原隻西瓜($38)

去年只賣$28的原隻西瓜, 嘩!今年加價近4成, 我還以為貪新忘舊的香港人, 應該已經玩厭吧! 原來檔口2130已經沽清...果然西力沒法擋

7) 最抵甜品 ~ 台灣花生雪糕冰淇淋 ($20)

有美少女不停磨大大個花生糖, 而且加兩球雪糕也只是$20. 無話可說吧!!

始終台灣也比較韓國樸實一點啦...細半包粟米條加冰, 還比兩大球雪糕貴, 究竟今日是甚麼世界呢?

8) 最三文治雙雄~鵝肝 ($30) 定龍蝦醬 ($25)

本來我們想找棉花糖多士, 可惜走遍全場, 也不見其影踪, 唯有改變口水, 鹹食鵝肝三文治, 及龍蝦醬多士.

鵝肝即叫即煎, 隔住鑊邊也聞得香味滿滿的感覺, 加上我還另加了$10黑松露, 香噴噴.

相反, 那片龍蝦醬多士, 現成即叫即塗龍蝦醬, 龍蝦全無作戰能力, 價錢只相差$5, 難怪龍蝦是食水深的海產吧!

9) 最流心之選 ~ 火燒大姑菇 ($28)

這個大姑菇去年也有出現, 大菇放入雞蛋, 再舖上芝士, 火槍將芝士燒至熔化, 而雞蛋在菇內則呈半熟狀態.

今年加價$3...不過賣出比率卻高於去年100%, 老闆說:「平均一個鐘賣200隻啦」(上年紀錄係2個鐘200隻喎)

這個超流心大姑菇, 真的很不錯, 如果多一片芝士, 再燒耐一點, 更加接近食完可以再食小食啦.

《真君誕》還有3天 , 如果今次沒有時間過來, 2星期《天后誕》一樣可以再來掃過, 不過感覺,  《真君誕》熱鬧少少, 攤檔選擇多一點吧!

日期:

（真君誕）: 2016年4月18日 - 22日

（天后誕）: 2016年5月7日 - 11日



大仁生活facebook