【$40杯緣子!! $10日版蜂蜜卡樂B】9大日本超抵潮物 @ 《樂駝柒》2016版

話說去年5月發現到觀塘零食寶藏, 《樂駝柒》就變成我每星期必去巡視業務的地方. 上星期, 黃小姐致電:「喂! 返咗好多得意嘢喎, 過唔過嚟? (我:梗係嚟...)」

這個街頭霸王的咖啡杯緣子, 阿太上星期在皆旺買$60, 今日連咖啡一套5罐只售$40. 黃小姐:「之前畀人掃晒隻春麗, E家我唔散賣㗎」(早知我都早D嚟掃春麗啦...)

必搶度: ★★★★★
抵買度: ★★★★★

明星朱古力撈麵 $8, 其實, 我不太愛佷撈麵, 不過用朱古力當甜品撈, 當然想試啦!!

內附三包調味, 一包朱古力粒, 一包朱古力醬, 一包醬油汁. 本來擔心又鹹又甜, 原來杞仁憂天.

根本就是淡味甜品, 於是我索性用自己方法, 多撈兩粒朱古力入麵, 即時爽又正, 一次過滿足食公仔麵, 又食甜品的欲望.

必搶度: ★★★★☆
抵買度: ★★★★★

不二家復刻鹹蛋超人朱古力 $16, 我為了附送的元祖資料貼紙而買, 誰是我開了隻怪獸...真的黑仔王.

必搶度: ★★☆☆☆
抵買度: ★★☆☆☆

Sanrio啫喱/蛋黃哥布甸(各$12), 兩款也不太甜, 而且不似蒟蒻的結實, 我愛軟糖口感.

之後買了一包Sanrio啫喱, 本來想給布甸狗忠粉SY, 一邊睇太陽的後裔, 一邊食, 但原來不是包包也有布甸狗... SY:「車! 我好嬲呀!, 我要食晒8粒」(吓???)

必搶度: ★★★☆☆
抵買度: ★★★☆☆


極想買來玩的「—心堂」Anime面膜...超攪笑, 不過櫻桃小丸子已被掃清, 現在只有北斗之拳/叮噹/小雙俠...不過$55一片, 我太姑寒, 不捨得買呀!

必搶度: ★★★★☆
抵買度: ★☆☆☆☆

卡樂B堅味薯片 黑糖味/蜜糖味 (各$10), 兩星期前利東街, Calbee專門店亦不見有貨, 聞說日本二度賣斷市...

蜂蜜牛油味堅正過黑糖味多多聲, 黃小姐:「梗係啦, 仲無韓國版咁甜添」堅香, 堅上癮, 我指蜂蜜牛油味.

必搶度: ★★★★☆
抵買度: ★★★★☆

公仔動物餅 $10/10粒, 公仔超可愛, 我最初以為動物印在餅上, 原來是包裝作怪. 但已經好夠萌.

每粒$1, 無得輸, 這正正就是日本的減甜肚臍餅, 香港懷舊版太甜太多, 日本版份量剛剛好. 不過一拆包裝, 動物樣便殘留於包裝紙, 有點不捨得開.

必搶度: ★★★★☆
抵買度: ★★★★★

要變身龍球So Easy, 菲利, 人造人18, 比逹, 魔人布歐...(各$129), 黃小姐:「悟空一早賣晒喎」(悟空先唔好呀, 8年前已經有老翻, 配角一定無人翻, 正正!!)

必搶度: ★★★★★
抵買度: ★★★★☆

我問黃小姐:「E啲細細支, 係米指甲油?」, 黃小姐:「Ｑ版鹽嚟㗎...食蛋用㗎」

從此食雞蛋都可以有10種味?? 日本仔係得嘅...$29/排

必搶度: ★★★☆☆
抵買度: ★★☆☆☆

樂駝柒
地址： 觀塘開源道60號駱駝漆大廈第3期1樓N室
Open Hour : Mon - Sun 12nn - 19:00
http://instagram.com/seven_log



大仁生活facebook