【成功獵蛋】3層樓的體感夾蛋蛋!! @ 荃新天地

復活節假期第一日, 我勁興奮地帶囝去荃新天地玩跳彈床.

本來只是小朋友玩意, 大仁最悶, 但今次竟然有個全港首個「逾9米高巨型體感夾蛋機」...我好想玩!

不過當日不停毛毛雨, 一直擔心戶外部的的「夾蛋機」會不會關閉呢? 當然一去到, 見有人玩, 即時9秒9衝去夾夾夾.

工作人員講解給小朋友知, 夾蛋機如何操作, SY即答:「哦! 即係平時放入面嗰部夾蛋機嘅大大版...」(最近這位小仁兄愈來愈得戚!)

上下左右...大鐵夾就成功將大大蛋夾實, 再慢慢送到出蛋口...運送過程非常安全, 因為十分十分十分慢.

 Yeah! 成功得到一隻蛋. SY:「咁大隻點攞返屋企呀?」我:「係囉...裡面係咩嚟架?」

工作人員:「無嘢架, 做樣咋, 不過如果你想要, 你又唔怕塞係屋企阻掟, 你都可以要嘅」

我:「咁影張相算囉, 成部微波爐咁重」, SY:「塞係廳, 真係唔駛行都似」 我:「咁到我玩啦...(工作人員:唔好意思, 落雨要維修喇, 或者遲D再過嚟啦)」

  

當我極失望, 但有人就超高興:「我哋去跳彈床囉...我好想跳啦」, 有工作姐姐作伴對戰的「宇宙小巨蛋」...

最近開始不停想找人陪他玩的SY, 今日有豬仔一樣不滿足, 可憐的工作姐姐慘被過度活躍的小朋友連環攻擊...真的不好意思.

「奇趣掘蛋樂」太靜態, 大爺嫌不夠刺激呀! 掘一次就走了去射槍.

兩個小遊戲「懸浮獵蛋」及「鴨仔逐隻捉」, 當然例牌射完又射, 玩完又玩, 槍形物體SY絶不會放過, 擔心大過會否揸槍搵食. 驚驚!!

大大「體感夾蛋機」在戶外, 細細機就在室內...只要向職員出示已「追蹤」荃新天地嘅Instagram 或微信帳戶, 就可以玩一次

因為有禮物, 貪心的小朋友玩得特別投入...結果一支筆, 及一包檸檬茶就氹得他笑足成晚.

之後就是二期中庭的彈床三寶時間...當中「深海奧秘」的鯊魚, 有人玩了四次...

不願走的SY, 精力充沛, 他可以愈跳愈精神.

跳到完場1900...工作人員想收工, 勉強已經讓他瀡多兩次, 之後我叫姐姐們左右包抄欄截怪人.

誰知怪人以為有人跟他玩捉依欣, 玩得更加起勁. 真的不好意思...可能這個25呎瀡滑梯太吸引, 最後還是要我出碼, 才可收拾Bad Boy.  SY:「點解唔開到10點喎, 好多小朋友都想再跳啦」 我:「姐姐都換衫收工啦, 你指嘅小朋友, 就係得你自己一個囉...」




大仁生活facebook