【蜘蛛俠發功】Pizza變甜品~舖滿珍珠、奶茶、同生果

Pizza就Pizza, 珍珠奶茶就珍珠奶茶, 二合為一就從未聽過, 本來想約大埔老友齊齊去挑戰, 不過她答:「嘩!米攪我...聽見都想嘔」

於是一家三口自己食...至電訂位時, 店員答周末不設留座,「不過你可以18:30前嚟, 因為通常19:00之後先多人, (我:係米真架), 你信我啦」我當然相信妳.

原來, 珍珠奶茶Pizza是甜品, 最初以為鹹食確實有點驚...當場鬆一口氣, 朋友說:「上次去食下午茶, 好貴E間嘢」

不過, 我們晚餐又覺得價錢合理, 最基本二人餐$198, 我們再加珍珠奶茶Pizza, 只加$48. 三個人食$271都算抵喎.

蘋果芒果沙律, 乾乾淨淨...又水果又沙律菜, 揀飲擇食的SY只肯被迫吃一粒蕃茄...

SY:「沙律有乜好食...我要食好多炸洋蔥圈, 同炸粟米波波架...」得得得...

其實, 這個炸粟米波波已經很有甜品Feel...SY:「好得意呀! 好多粟米係入面」

而主菜的Pizza, 我指明要有菠蘿, 因為我是不正宗薄餅仁, 沒有菠蘿的Pizza, 就等於飲唔凍可樂, 完全唔過癮.

Pizza有Pizza魔力, 如果蕃茄醬太酸很難頂, 所以索性點沒有機會混入茄汁的就最安全...熱辣辣芝士燻雞批, 如果有厚批就更加直迫100分啦.

終於主角出場...原來珍珠奶茶Pizza, 還夾蘋果、水蜜桃、小紅莓和奇異果，星星的放射形狀, 我第一時間想起蜘蛛俠放出的蜘蛛網

又紅又黃又綠, 面層淋上奶茶慕絲, 再天花亂墜的珍珠粒...好靚

不過, 這個甜品, 如果8個人食, 可能會更好, 因為第一塊的感覺, 珍珠+水果+慕絲, 甜度已經危危乎, 多飲幾啖水吧...

但再食第二塊, 則會感到太甜, 奶茶味不太強, 反而食到煙煙韌韌的珍珠又很攪笑.

SY:「好好食, 好似班戟, 如果無水果就仲好食, (我:你唔覺得好甜咩?), 無呀! 好食呀!」其實, 小朋友味覺是否未發育完成呢?


好味道：★★★☆☆

Tino’s Pizza Cafe
地址：大埔八號花園地下20號舖
電話：2666 9840


大仁生活facebook