【無知的小孩一晚長大】勁熱鬧!!Minions又返嚟攪攪震啦!!

今朝一早, 我又再長途跋涉走入馬鞍山. SY返學時問:「爸爸, 你都咁早起身?」

因為, 經過昨日TheONE布甸狗被小朋友「鵝」足整晚,  沒有帶他去的原故. 所以, 今日行動「低調絶密」進行.

Minions的氣勢, 似沒有去年暑假時的強勁, 但三位主角一出場, 一樣全場呼叫...(嚴格嚟講, 應該係我自己叫得最大聲)

朋友E說:「點解阿Bob高咗咁多嘅??」可能...無知的小孩一晚長大掛?

同場有人路過搭咀:「E啲3D畫, 塞咁多人入去, 會無晒視覺效果啦!!」

於是我又試試他的建議...果然真‧3D萬呎瀑布救兵團喎

朋友借了我一副Minions眼鏡...好靚呀! 我超想戴實不歸還, 因為可以完完全全遮住我對激大大大眼袋.

不過, 有人跟我講...「你嚟踩場呀? E副嘢唔係馬鞍山個場㗎喎...」 (吓? 咁都睇到??勁喎)

今次商場有三個遊戲, 第一個大槌敲木頭, 我最初以為大大力, 一口氣打跌全部就贏, 原來我又錯了!! 無獎.

工作人員:「最頂一舊唔可以跌, 其他三舊要敲走喎, 你以前無玩過咩?」唔好意思, 間歇性失憶!!

之後的以2條木棍運BOB蛋, 一定是賣大包, 因為逢玩必贏, Easy Job, 就連得3隻手指的Kevin一樣完勝, 零難度.

之後Minions身後的核心範圍,  看到很多波波「亂咁飛」, 這是全場最吸引的遊戲...我問工作人員:「大人玩唔玩得呀?」

她答:「一米...(我:一米以下先玩得?), 哈哈!一米以上, 你估BB咩?」於是我便第一時間脫鞋入內捉波波!

其實, 寫Blog最好等阿囝熟睡後才開工...因為他一走過來電腦就問我:「E!爸爸...你幾時去咗睇壞旦? 又唔帶我?」

我:「因為...我以為你轉咗只係鍾意布甸狗呀!」SY:「雖然世界會變, 但我都想去同壞蛋玩吓, 我可以帶埋布布去㗎...」(下刪200字唔知噏乜嘅理由)

SY:「點解E隻咁似加芬, 但又唔係嘅? (我:佢係加芬), 加芬頭髮期開喎...」(乜真係唔同咩?)

SY:「爸爸! 下次帶我去同Bob仔影相啦, 佢高咗咁多, 咁得意...」得得得...無問題.


「迷你兵團復活歷奇之旅」
日期：19/3/2015 – 12/4/2016
地點：新港城中心L2天幕廣場


《迷你兵團》見面會
新港城中心 : 3月25日、4月4日及4月10日
第一節：下午3:30 -3:50 第二節：下午4:10- 4:30
(每節名額40個，先到先得，換完即止）


換領合照證日期：
3月21日起（只限換領3月25日舉辦之見面會合照證）、
4月1日起（只限換領4月4日舉辦之見面會合照證）及4月7日起或至換完即止

大仁生活facebook