吉野家都寫Blog, 傻咗?? 本來今日去食「芝士雞鍋」,
特別得點解要寫呢? 因為20:00旺角道已斷市.
心有不甘...「有無攪錯...我唔信食唔到你...」於是乎不止我一家,
還有3組互不相識的食客, 齊齊直走到雅蘭另一間吉野家.
嘩!人山人海, 原來老吉可以如此旺場...購票後...一直等了25分鐘才可以有火鍋.
如果你信芝士份量相等於廣告相的話...大家都是天真獎門人啦.
不過$59.9 你想點.
窮L當然要數材料...我有7雞件, 炒過的青黃椒, 及洋蔥. 芝士味一分錢一分貨...SY:「抵唔抵得過上次紫色嗰間呀? 爸爸」
新蒲岡紫薯雞鍋$89, 吉野家無限時, 又包飲品, 連鎖店當然抵到爛.
(重溫拼食三郎紫薯雞鍋)
芝士雞鍋, 有雞湯...我問店員跟食開清湯有何分別...店員:「清湯係齋菇麻」,
其實味道分別不大.
芝士真的配公仔麵夠吸味...阿太:「都唔係丁麵嚟嘅?」我:「要求唔好咁多...不過芝士真係易黐底喎...加湯又沖淡晒,
淡上加淡...」(阿太:咁平...唔好要求咁多)
大仁生活facebook
沒有留言:
張貼留言