網頁

2016年3月21日 星期一

【堅睇住佢炸】薯片新鮮熱食 真係正D (平DD仲好D) Calbee + HongKong

我未食過新鮮即炸卡樂B, 有得試, 當然第一時間去試啦!!


據蘋果動報導, 夜晚「Calbee Plus」排了200人龍. 心諗:「中午去嗰陣都超多人, 估唔到咁多人鍾意食即炸薯片喎?


朋友B:「全部巴膠排隊每人買2架巴士咋...一放上網就買過$800, (:?咁好賺? 仲有冇貨), 一早賣晒, 截埋龍啦, 你無買咩?(梗係無啦)


巴士不關我的事, 還是寫回卡樂B薯片...薯片店其實就是零食物語+薯片工房的結合店.


我沒有去過日本總店, 不過親自透過大玻璃, 望實工作人員炸薯片, 揀薯片, 運薯片, 很過癮, 很有室驗室襟緊急制感覺.


原來薯片在油鍋炸來炸去之後,機器會自動將所有薯片拉出, 烤盤似十足上瀡滑梯一樣, 最後完成品就會一片片掉進大盤裡.


店員曬上調味很有氣勢呀! 我都想可以有機會入去試試自己薯片自己炸...可惜!當然工作重地, 老仁與狗不能內進啦!!


店內有11款薯片, 2款薯條, 如果你揀選朱古力, 或雙重芝士, 店員會親自為你添加所需醬料.


我扮天真問:「可唔可以加多D芝士, 同朱古力醬呀?, 店員正氣答:「唔可以架, 因為份量要跟足日本指引」(早知我C奶殺手問後面位姨姨, 後悔問咗個哥仔)


薯片有分波浪紋, 或平切兩款...自己鍾意前者厚身, 又有口感; 薄片太鬆, 太傳統, 似食一片風.


原來即炸即食薯片, 真的會有食不停口的誘惑, 特別是香港獨家的「避風塘香辣味」($29), 帶點鹹蝦味, 刺刺激的點點辣, 加上即場氣氛...好正!好有能量.


我覺得原味薯片+朱古力醬+雪糕 ($45), 一定要Encore, 真正冰火軟硬一次過感受得到...不停食不停食...


不過, 同場有BloggerLive Feed:「麥記買$5蚊薯條+$7蚊新地, 感覺都差唔多啦」(~~等我返屋企種吓有機菜諗諗先)


另外, 即炸芝士薯條 ($32) 經我左影右影之後, 仍然暖笠笠, 而且口感真完勝M. 沒有硬硬實實, 鬆鬆軟軟, (點解呢?唔知), 總知今次食得堅會笑.


想買包裝薯片回家食, 店員:「櫻花蝦鹽味蝦片( $8)係香港限定, 日本都無架」 , 微微微咸蝦味, 靚靚櫻花形狀, 口感似明輝...(可唔可以炒返過日本賺水腳呢?)


在場有女士大讚:「瀨戶內檸檬味薯片( $13) 酸酸咸咸, 酸酸咸咸,好清新呀」我之前食的桃味, 好食好多啦!!  而堅燒薯片( $14),  日文「堅」與「硬」同義, 真係堅硬...太硬...要練牙力一流.


3
22 28 , 每日13:00, 18:00個時段, 各免費派50杯原味薯片, 到手應該仲未凍掛!!




Okashi Galleria × Calbee Plus
灣仔皇后大道東200號利東街地下G14-15號(合和中心對面)



大仁生活facebook

沒有留言:

張貼留言