15%+25%+40%=自選濃度綠茶雪糕! 我對店員說:「試晒三隻味, 得唔得? (店員:梗係得啦) 阿囝, 阿太過嚟試味啦」(貪心到死, 無蝕底Mode)
TheONE新開一間雪糕店, 有三款不同濃度的的綠茶雪糕, 上星期被人煲得熱烘烘...結果, 一家三口, 貪得無厭, 幾乎試勻15種味道.
搶食是怎樣煉成呢? SY爭食朱古力, 薄荷, 我就霸了粉橙色, 真正士多啤梨打成的雪糕. (真係無藥水味喎!)
老闆之一的Kaman說:「百利甜酒, 我最鍾意, 不過尋日賣晒」(哎呀!點解今日咁黑仔?)
(E度係米最出名食綠茶雪糕?), Kaman說:「其實我之前去咗台灣學茶, 本來E度想主力Sell茶, 點知被傳媒谷咗三款綠茶雪糕, 所以人人都走嚟食雪糕囉」
SY走到「Ms. Tea」的茶櫃問我:「爸爸! 黑色E啲咩嚟? 我以為籠入面係叉燒飽」(原來真係有成個櫃賣緊舖頭D茶喎)
枱上最少有14款生果, 30+款配料, 12款+醬汁, 4款+果醬, 我完全淪陷TheONE,
於是請Kaman幫我配搭「雪糕班戟（$58/ +$15加雪糕）」及「多多事多士（$45/ +$15加雪糕）」
蘋果, 蕉, 桃, 提子配榛子醬, 再與我最愛的40%綠茶雪糕結合...原來, 堂食的好處是班戟坦蕩蕩,
餡料易呃Like. 正!!
不愛食生果的SY:「點解全部都係水果? 嘥晒D朱古力醬」, 我:「你食埋D生果咪唔嘥囉!」
回甘味重的滑滑雪糕, 配上沐浴在榛子醬內的水果, 「班戟怪」笑住一啖一啖放入肚...簡直如同SY嫲嫲手作班戟的味道呀!
我問SY:「你頭先唔係話15%綠茶好食咩? , (SY:總知係雪糕就好食), 係囉!睇吓你個肚就知, 幾凸」(超期待下兩周推出的50%濃度口味!!)
之後上枱的多士, 一定要出「登登登凳」!
嘩!靚到似十足迪士尼樂園地圖一樣...我有少少想一個人鯨吞入肚. (不過, 我旁邊有人想喊囉)
一球冰凍的荔枝雪糕, 放在暖暖滲果醬的多士上,
再來燒得軟軟的棉花糖...冰火雜果多士治, 無懈可擊啦!!
由Kaman重點推介的細細粒紅石榴,
我第一次食, 爽爽叫得似食提子味的飛魚子...
自言自語的SY:「荔枝雪糕真係好食, 好彩唔係畀粒荔枝我, 今日真係好開心, 棉花糖同荔枝雪糕一齊食,
好好食呀!」
最後, 我叫SY:「你畀部手機Kaman姐姐睇啦!! (SY:點解? 我想玩捉依欣), 我哋like咗姐姐Facebook,
有爆谷送, 咁要唔要?」
一聽到爆谷, 仲加滿朱古力醬, 小朋友乖乖排隊換爆谷...
阿太:「點解唔要海鹽啫??」我:「人哋免費送畀你, 好心唔好揀啦. 我最想食佢哋個一人蛋糕, 但Kaman話要星期三先有...不如你到時放工落嚟幫我買吖?」
A Fun Store
地址: 尖沙咀彌敦道100號The One 5樓 Kiosk 5A
時間: 星期日至四:12nn-10pm 星期五至六:11am-11:30pm
電話 : 3188-5122
大仁生活facebook
沒有留言:
張貼留言