荔枝角真的愈來愈旺, D2 Place 旺到開巷, 億利又有程班長坐鎮, 原來旁邊都竟然新開一點甜!!
其實, 老仁家睇中熱食布甸($30),
及原盅椰皇湯丸($42), 我:「真係即叫即開喎...(SY:你又知), 哥哥E家劈開個椰皇,(SY:我唔夠高, 睇唔到)」
店細細都有好處, 可以睇足整個製作過程,
原來做一個椰皇複雜得如此緊要.
又要煲奶, 又要煮湯丸, 再要開生粉水, 將椰蓋的椰肉切絲...絶對望見也覺得頭暈眼花
店員Choco:「所以叫椰皇最少要等10分鐘, E個都算全舖頭最麻煩, 椰皇要有客叫先開, 如果開定係會臭嘅」
鴛鴦湯丸, 不吃花生的SY, 一口便吃了唯一的芝麻,
「爸爸! 花生我留返畀你, 因為我唔鍾意...(我:真係多謝晒)」
14度的天氣下, 嘆一個暖暖的椰皇湯丸, 滿足到不得了.
又有小丸子, 又夠香, 又有椰肉, 食完真心飽, 不能看少這個椰皇的份量.
至於另一個熱食布甸, 賣相夠靚, 略嫌未能成形, 質地有似十足阿太點的大大碗楊枝甘露($32)
親眼看到Choco切了半個芒果入甜品, 阿太:「好食喎, 真係好多料, 不過真係好大碗」
至於阿Ray推介的奶凍
($32), 吸引力不及朱古力木爆布甸 ($32).
一邊嘆奶凍的阿囝, 本來對我說:「杯凍凍好似飲牛奶咁呀! 好食呀!」(其實你乜都話好食㗎啦!)
但木爆布甸一來, 即時大叫:「係米朱古力嚟架?」 我:「係木糠...(SY:我知, 即係朱古力餅整碎散吖麻, 爸爸! 我想食E個多D)」
這裡的甜品, 奶味好出, 夠吸引, 不過就在我準備離開時, 發現在場有攝影師拍攝一些我在Menu找不到的甜品...
(點解嗰D甜品咁靚?) Ray:「係呀! E啲得一份, 係用嚟影相咋, 暫時未食得住, 要星期三先有」
士多啤梨奶凍, 綠茶木糠布甸好吸引喎,
早知我遲一個星期才過來啦.
(點解你哋得三個位咁少?) Ray:「因為我哋主力做外賣, 可以送去工廠同四小龍嗰邊, 一般OT幫襯多, 所以少人會坐係度食囉」
(你哋咩最受歡迎?) Ray:「OL最鍾意梗係你頭先食個椰皇啦, 平均一日都賣50個」(梗係啦, 食完飽晒, 飯都唔駛食,
Lunch都可以慳返)
隨心甜品 At Will Dessert
長沙灣長沙灣道889號華創中心地下2號舖
3426 4920 / 9862 0497 Whatsapp
逢星期日休息
大仁生活facebook
沒有留言:
張貼留言