網頁

2016年3月5日 星期六

【759開飯堂】你今日做咗員工未?? 驚喜咬一口年糕

作為EX.759...759開飯堂, 就看看有沒有新攪作啦!! SY:759飯堂? 爸爸, 上年唔係去過咩」


阿太插咀:「好耐之前葵涌嗰間米一樣...今次有咩特別啫」有時這兩位朋友也說得沒錯, 跟本《759飯堂》=759茶餐廳》,759茶餐廳》又=返《759茶飯堂》


可能自已在觀塘區返工, 如果在觀塘稱飯堂, 賣點一定要平, 可惜, 這個飯堂一點也不便宜.


燒味飯 $45(單拼)/$53(雙拼),平時我食開$34送可樂, 少粉麵平均$38-$45...其實, 行過5分鐘, 駿業街可以有$27碟頭飯.



今日SY點了一個普通過普通的常餐$38, 不打算去形容這個餐, 正如我想不會有人去形容麥記魚柳包一樣.(嘥心機)


我問店員有何推介呢?, 他答:「食車仔麵啦, 唔錯架」


於是阿太點了三餸車仔麵$35, 阿太:「凍飲加$8, 點解Total$45??...(因為你加了咖喱汁$2), 乜要錢架? 早知唔加啦」


這個麵唯一可取就是魚片頭真的給你真.片頭, 很多舖頭都取巧, 魚片充片頭, 二打六扮女一, 男一. 搵笨.


今日, 食客問店員最多的問題 :「會員卡有冇折??, 店員答:「無! 只有759同事會有8折」(哦! 咁你今日做咗員工未?)


SY問我:「爸爸點解你唔叫?, (:我等14:30下午茶), 其實我食緊上午茶都幾好吖, (係囉...不過貴D)」哈!!上午茶...有趣!有趣!



終於等到14:30下午茶時段, 價錢依然沒有驚喜, 我昨日到九龍灣日月星食炸雞髀餐也是$29. 這裡是$33.


不過, 我發現一個街外少見的選擇, 一口年糕連沙律$29. 其實, 新店除了食物質素, 創新東西也好重要.


!! 一口年糕, 真的是一「舊」. 看來這裡舖租應該超貴, 因為林老闆無理由比我更孤寒到如此地步吧??


煙煙韌韌的, 如同蕃茄切片的年糕, 勉強分了一半給SY, 真的一放入口就立即變消失的年糕.


這個小食的配搭真的不錯, 阿太:「個沙律真係幾好食喎!, SY又接口:「個炸年糕都好似芝士蛋撻咁...好好食呀!



飯堂找賣點, 慘過PhotoHunt...後來同事A知我食759飯堂, 問我意見, 我跟同場大部份離開的食客一樣, 拋下一句:「都唔平, 點解要嚟食你?



地址:觀塘成業街15-17號成運工業大廈地下1號
時間:星期一至日7:00am – 8:00pm
電話:39609899

沒有留言:

張貼留言