【時光倒流30年】童年時就如此經過 @ 牛奶公司

年初二, 阿太完成時光倒流30年後, 2日後便輪到老仁家. 當日我再帶SY回到大會堂, 小朋友即大叫:「又返嚟E度? 點解前日唔影埋...今日應該帶埋部單車畀我玩啦」

前日, 為了兩幅相, 拿住道具單車走來走去, 「阿囝, 我其實好攰架」

媽媽一步入大會堂即說:「以前係鐵樓梯, E家都變晒石屎, 都係以前靚」, 我:「係!E家咩都要講安全, 仲點會中空一支支鐵吖」 

已經很多年沒有與父母外拍家庭照, 粗略估計, 可能有7年. 媽媽:「我哋隻腳又唔行得遠, 行一陣就痛, 你細個就話成日同你嚟啫, 我哋都唔知幾多年無嚟過中環啦」

換一個場景, 可以讓兩老坐坐休息的, 媽媽:「其實當年應該唔係E個位置喎」, 我奇怪:「後面有樓梯, 又行人天橋, 又水池係得E度咋喎」

SY:「唔係呀! 天橋後面無大廈, 爸爸...你睇個大廈咁高」, 媽媽:「我記得當年我哋通常都係遮打花園玩, 又真係好少行過嚟康樂大廈喎...」

老實說, 位置確實有點不似, 但相片結構又似很吻合, 爸爸:「幾十年前嘅事, 點唔記. 不過當年康樂大廈D圓形窗係好特別, 所以嚟影都唔出奇」 

雖然水池舊照位置不肯定, 但大會堂就一定不會出錯. 我問:「爸爸你放工呀影相嗰日, 打晒呔著西裝」, 爸:「唔記得咗!」 

媽媽接口:「佢以前一至六都返工, 邊有時間陪你...同得你嚟得皇后像廣場, 就一定係星期日啦」(嘩!星期日都執咁正, 老豆陪完我, 唔通去會舊情人? 嘻嘻...)

鏡頭一轉, 便走過海, 重回兒時每個星期末都流連的中間道公園. 

這個公園, 當年是在地面, 現在重建上一樓. SY一望到舊照便高興大叫:「好嘢!有泥沙玩」, 不過去到他很失望:「都無得玩沙嘅?」 

我笑笑口答:「以前爸爸咁細個, 就個個公園都有沙池, E家咩都講安全, 點會仲有沙池, 你睇以前個滑梯高過棵樹, 你睇E家條膠滑梯, 仲矮過我」 

媽媽周圍望, 找了又找猶豫:「E個公園邊度有搖搖板呀?」 

當我指一指那個似十足公園長凳的紅紅綠綠東西, 媽媽即答:「吓? 乜咁都叫搖搖板呀? 以前嗰D好長...你睇E家郁都唔郁都吓」 

對!印象中從前的木製搖搖板一升一降, 離心力似十足玩跳樓機; 今日的慘過被蟻咬, 任何反應都不會有一下. 

舊照片遊戲最後一張是牛津道的牛奶公司, 媽媽對SY說:「當時你爸爸啱啱學識行, 周圍行下, 順便又去惠康買下囉」

SY:「乜以前有$1.35嘅嘢食...」媽:「係呀!有5仙架」SY:「$1蚊都可以買到嘢食???」, 我反而想知, (相中海報) 點解當年「牛奶公司」要Keep Independent 呢? 

今日, 於Maket Place竟然撞到前晨光第一線主持羅啟新, 來不及告訴他, 「掛住你把聲」, 他已經驅車遠去. 不過後來發現, 有幸間接和他合照. 真是意外收獲.

完成今次舊照Re-run, 我一邊回家, 一邊想到一句歌詞:「偶像全部也不倒, 爸媽以後也安好, 最好我在意的, 任何面容都, 不會老」

..


相關網誌:
【時光倒流30年】童年‧現在一般可愛 @ 「舊照片Re-run」



大仁生活facebook