一田的好朋友KUMAMON 於沙田開Pop-up
Store, 限定2星期...我跟阿太:「去囉!去囉! 橫掂我哋都未見過部長真身」
SY:「咩部長呀? (我:Kumamon呀! 同佢合照呀), 乜我哋未同佢影過相咩? 上次食餐廳好似有」(嗰隻又唔係真人)
原來今日有兩場生日會, 4點一場, 5點一場, SY:「嘩!好多人呀!你哋, 二樓, 三樓都係人」
老實說肥嘟嘟的部長, 雖然黑忟忟, 其實又真的很可愛. 而且笨手笨腳做起體操又好似洪金寶一樣, 超靈活喎.
怕蝕底的我, 今次只派出SY做代表, 一上台小朋友便跟部長攬攬, 又Give Me
Five, 這個社長果然夠熱情.
事後, 我問SY:「Kumamon有冇同你傾計呀?」小朋友答:「梗係無啦, 一講嘢米穿煲囉?(你又知規矩唔畀講嘢?)」
阿太:「個個粉絲著晒Kumamon衫, 又送生日禮物, 我哋兩手揈揈, 好核突咁」我:「車!! 講心啫! 有乜所謂吖」
跟部長說再見, 當然要去看看限定品有沒有寶物啦...阿太:「嘩!間舖咁細, 塞滿咁多人真係行都行唔到入去...唔好睇...EEEEEE米住...停」
(咩事呀? 唔係走咩?)阿太:「買Kumamon杯, 送Kumamon杯緣子呀! 小姐唔該, 我想每款各要一隻」(店員:唔好意思, 頭先已經賣晒)
阿太:「嗚呀! 無貨都有, 山長水遠過嚟...失望!失望!」我:「早知哋早D嚟啦...好彩今日同Kumamon影到相, 如果唔係, 真係空手而回」
大仁生活facebook
沒有留言:
張貼留言