【自己雪糕自己唧】唧到13吋~免費有得食!!

齋食雪糕, 已經不能滿足「雪糕煞手」的欲望,  所以上星期帶SY去大埔, 親手「唧」13吋雪糕!!

不過上次一到達, 老闆娘正在關門:「我哋閂8點, (我:吓!!畀我唧埋啦, 我哋專登旺角入嚟㗎), 雪糕機都洗咗啦...唔好意思」

得知無雪糕食的SY, 登時想哭, 老闆娘超好人, 送了一個雪糕磁石給SY, 說:「下次最好5點前嚟, 因為雪糕醬最好, 同埋我哋做埋4月咋...所以要嚟就唔好咁耐啦」

我以為是新店, 原來這裡2013年已經開業, 急不及等待, 我們今日又再和雪糕玩遊戲.

SY:「爸爸你玩, 好緊張...好緊張...(我:點解你唔玩呢?), 我唔敢, 我驚整跌」

我心諗:「車!! 有幾難呀? 我由細睇人「唧」雪糕啦, 「唧」13吋, 雪糕就免費, EasyJob!」

遊戲一開始, 甜筒可以盛約6吋雪糕, 嘩!! 點解部機開著Turbo一樣, 我大叫:「咁快嘅!! D雪糕出得咁鬼快??」在兜也兜不住的情況下...雪糕淪陷啦!!

其實, 我有少少失望, 因為我怕SY又再次想哭, 誰知他非常雀躍:「哈!! 哈!! 冧咗喎..哈哈哈...好嘢, 可以食Lu」

原來, 小朋友不是為我打氣, 因為我成功與否, 他也只是「猴實」我碟抹茶雪糕.

其實, 我對沙冰質感的雪糕興趣不大, 阿太:「好淡口綠茶味好似差少少」(甜你又話甜, 淡又話淡, 你真係難服侍)

食不停口的SY：「唔係呀!好食呀!又夠凍, 我好鍾意」(基本上雪凍咗, 清水你都話好味啦)

Brobdingnag & Lilliput
大埔汀角路10號大元邨街市地下S520號鋪
周二至周日12nn-8pm (星期一休息)

大仁生活facebook