Sakura!! Sakura!! 今日去賞櫻...去尖沙咀睇櫻花! SY:「爸爸! 點解反斗城有得睇櫻花呢? (我:E度係海港城喎)」
一踏入商場, 阿太:「全部都係樹枝, 邊有櫻花呀?」SY:「有...頭殼頂呢, 上面有D紅色呀!」, 店員說:「慢慢開緊架喇, 今日先係第三日啫!」
海港城正舉行為「東日本大震災兒童未來基金」籌款, 只要捐款$120, 就可以得到一張飲食卡, 2款串燒小食, 品茶歎半份和果子, 及試食5款清酒.
周圍玩的我, 迷戀梅酒的阿太, 勁愛甜品的SY...一定要來這個商場內的櫻花樹下居酒屋啦!
SY:「好靚呀! 真係食得架? 一定好好食啦!」店員:「唔好意思, 一杯梅子茶配半份隨機和果子,
暫時無得揀嘅」
半粒荷花紅豆糕, 日本和果子...我一直覺得配茶是因為太甜的關係, 為何不可以造淡口一點呢?
不過, 愛甜的小朋友大叫:「好好食呀! (我:分D畀我試吓), 嘩!爸爸, 你唔好切咁多啦...」超甜的紅豆...好彩我自備水壺.
今日的串燒是大蔥雞肉串, 與豬肉腸, 可能肚餓的原故, 還是佐酒更加入味, 所以味道竟然不差喎.
可能店員一次過放入焗爐弄熱, 之後就放在工作枱上等我們來認領, 所以有少少放涼, 如果即叫即在焗爐拿出來會更好.
至於清酒, 阿太飲慣梅酒, 所以店員也推介了五神梅子, 啫喱梅酒, 菠蘿清酒給我們.
最煞食就是盛上枱時有不同表情的小木枡, 不止阿太, 就連路過的遊人也讚賞:「嘩!好靚呀!」, 阿太問:「小木枡有幾多個表情架?」
店員:「一套有4款! (太:咁幾錢呀?), 唔駛錢架, 你試酒就送咗畀你...」阿太即時開心到偷笑:「正呀!我D緣子又多一個情景啦」
很少飲清酒的我, 竟然覺得生果味的酒, 原來似十足果汁, 可能酒精成份不高, 滿滿啫喱的一款, 又真的如同吃甜品一樣.
我:「E度一共有幾多款清酒呢?」店員:「一共有63款, 你唔需要一次過飲晒5款嘅, 總之31號前, 任何一日你過嚟都可以試」
所以我們決定留下2款下星期假期再來試, 到時櫻花盛開, 嘆著櫻花飲生果清酒, 一定更有氣氛.
SY太細, 只可以飲茶, 無無聊聊的他突然發現新大陸叫我:「爸爸! 點解E個人咁似忍者小靈精個老師? 佢好鍾意飲酒架?」(嘻嘻~又真係似喎)
日本櫻花文化祭 @ 海港城
2016年3月17日至 3月31日
上午10時至晚上10時
大仁生活facebook
沒有留言:
張貼留言