昨晚收到朋友C通知:「牧羊少年開咗新店, 有新嘢呀...」我答:「集團式食肆...無乜興趣喎...」
位於K11地鐵同一層的「牧羊少年」原來只開了一個月, 可能地方偏僻, 但對客人來說...清清靜靜, 更加好坐.
甫一坐下店員Carmen即說:「清水可以自由係水機任酙喎」...哦!! 我的招財Be@brick就在此等候我...Hi!!招財貓...
點題之作, 西瓜咖啡 ($62)即時端上枱, 嘩!好靚! 店長阿風:「台灣會用黃肉西瓜!! 可能更靚」(咁我真係想飲空運黃肉西瓜限定咖啡呀!)
西瓜...很清, 一粒西瓜一啖咖啡, 我愛夏日長, 絶對是暑假來的浪漫...但感覺不襯穿樽領衫的13度年廿九.
雖然, 另一杯暖和的香蕉咖啡 ($62), 賣相不及西瓜, 但味道反而超級超級超級正.
雖然兩杯也是用南意大利咖啡, 但香蕉配了朱古力, 可可粒, 加上香蕉的質感, 整杯層次感豐富又實在, 好合適未戒奶的咖啡初哥飲用.
之後來的楓樹糖醬窩夫($85), 及意大利黑松露醬牛肉雲吞($90), 其實, 另外三間分店都有售...不以不夠咖啡獨家.
不過, 要讚一讚樹葉形的窩夫計設, 方便手持一端, 另一邊則順便沾上雪糕慢慢食...(哎呀! 後面枱點咗碟鲜果窩夫, 彩色繽紛...點解賣相靚過我碟咁多??).
黑松露醬牛肉雲吞在沒有期望下, 連SY也覺好食得一人KO了4粒雲吞.
雖然我吃不出半點黑松露朋友的氣息, 但勁香忌廉, 又夠多蘑菇, 如果價錢可以下調少少, 一定更完美.
阿風說:「其實要特別, 你應該點楊枝甘露咖啡, 因為香港限定, 台灣店一定無...」
(吓?! 好後悔呀!唯有下次再嚟飲過啦, 到時超好人嘅Carmen, 可唔可以叫店長將個西柚夾係個杯邊, 等我影相震撼啲呢?)
The Alchemist Creative Coffee by GABEE
地址: 尖沙咀河內道18號K11購物藝術館B2樓B227號舖
電話: 2741 9681
時間: 星期一至日: 10:00-22:00
大仁生活facebook
沒有留言:
張貼留言