【迷人PINK花呀!!】韓食櫻花餐‧粉紅控慎入

點解今年櫻花開得特別慢?? 「長洲櫻花情報」表示只開得5~7分...粉紅, 粉紅難得一遇, 餵食相機的任務, 唯有找個人手加工...扮出來的粉紅啦!!

一向不愛連鎖餐廳, 2013年年尾, 於TimeSquare試食時,School Food只有一間, 發展到現在一共9間. 嘩!香港韓流真是無敵.

櫻花紫菜卷 ($42) 靚! 整個Package都非常煞食, 不過, 我認為手繪小櫻, 及「A」字, 較紫菜卷更搶眼.

一貫的香腸、雞肉、蛋絲、紅蘿蔔、青瓜, 部份更夾有泡菜...點解不是7粒也有呢??

阿太:「我點蛋黃醬啦, (我:乜食得嘅咩?)」, 女店員聽得答我:「可以呀! 佢哋係用紅菜頭、士多啤梨混蛋黃醬造嘅」

紫菜卷比較淡口, 賣相正過味道多多聲, 好在添了少少甜的蛋黃醬, 勉強合格.

櫻花泡泡 ($32)一上枱, 我對阿太說:「點解餐牌粉紅咁多嘅?」阿太:「你第一日出嚟食嘢咩? 影相梗係靚D架啦」

呷了一口的阿太:「原來係淡淡嘅益力多, 再加切粒碎碎士多啤梨」講真, 沒有藥水味, 已經不幸中的大幸.

「花季夢幻年糕」($70) 阿太說:「粉紅色卡邦尼年糕...味道都唔錯喎」

我試完之後答:「之前食過炸年糕, 外面脆脆地, 入面煙煙韌韌, 多一層口感, 就係多一重...無得比, 人哋小店賣$17蚊, E度$70蚊...」

阿太:「車! 無得比啦, E度咩地方, 你嗰度咩地方先...(深水埗囉!), 米係囉...起碼E度舖租都佔咗$40蚊啦」

又一次証明, 好睇唔好食的大道理, 送你一朵小櫻花, 還是親自去中大, 去長洲賞櫻實際得多.

School Food
地址 : 九龍灣德福廣場第一期一樓F1號鋪
電話 : 27773508


大仁生活facebook