【PANCAKE最高境界】神級梳乎戟●我要食十碟 @ PAN de PAIN

話說上星期, 我們去K11試西瓜咖啡@牧羊少年. 因為不識路, 在PAN de PAIN門外, 排了一分鐘才發現排錯隊. 阿太:「下次要試吓E間, 你睇佢個Pancake幾靚!!」

今日, 情人節正日, 我便以 這店的 Pancake當禮物, 鮮果茶當花送給阿太...小小心意! 不承敬意.

阿太出發前問:「今日情人節,  排2個鐘都唔知得唔得...」, 我答:「我哋13:00去食, 人人都食Lunch, 我哋食甜品, 一定少人」結果, 如願以償, 我們排第三, 等15分鐘便入座, 之後人龍便...

有人以為是日本Pancake店來港!! 其實是高度日系甜品店, 不過好食又何須理出處.

今日, 我們坐正開放式廚房的Bar枱前, 望住一份份Pancake由零變身登場, 好開心!! (Bar枱有好處~有插座, 自己帶火牛可叉電)

因為有小朋友發脾氣...店員Nicole超細心:「你個公仔好靚喎! (雖然個Bearbrick係我嘅), 隻碟仔唔係污糟, 係我哋個logo啫, 黃色靚唔靚? 」(多謝Nicole)

All-day Breakfast Pancake ($78), 因為空肚不想先吃甜, 所以一定要先來鹹一鹹.

香腸, 煙肉, 蛋, 蕃茄, 生菜其實也是陪襯, 我們先來要試的當然就是招牌班戟...真心鬆軟滑綿喎。

Detox Water ($68), 我們揀了蘋果, 菠蘿, 梨, 我問Nicole:「D生果食唔食架?」她答:「全部新鮮水果切出嚟浸水, 係食埋架」

原來真的是清水浸水果, 聞說生果已經浸透12小時, 不過水果味不說不會覺得, 但啖啖生果都算盞鬼.

我最期待的Souffle Hotcake($68), 我已經聽到梳乎厘在輕輕叫喚我:「切開我啦, 咬我啦, 食我啦」

SY: 「我想倒蜜糖呀!!好好玩...佢軟林林架喎...Wo~Wo~」(除了粉多了一點...這份梳乎戟, 仙氣爆燈)

疏乎厘都可以做班戟, 真的沒有想過. 這種如風的輕飄飄, 用刀一踫已經自動分開...SY:「唔駛用力架!爸爸!」

香香甜甜, 較班戟更軟更綿, SY:「好好食呀! 彈彈下架, 真係未食過咁好食嘅班戟」絶對食Pancake的最高境界, (咬都唔駛咬! 我想食十碟呀!!)

Strawberry Pancake ($88) 是阿太指定必食, 因為她一早執了一套杯緣子來襯托. 

突然大廚拿回班戟並說:「E!! 你個Pancake歪咗, 我幫你整返正先啦」, 嘩!服務一流. 回到家阿太說:「頭先嗰個係老闆 Muse」(吓! 你唔早講, 等我同佢合照呀)

這個班戟千層塔, 全部由大大粒士多啤梨砌成, 單單看碟邊的心心, 已經應節, SY:「我好鍾意食中間嗰D士多啤梨Mousse, E度啲Pancake真係100分咁好食」

可能環境氣氛好, 我最欣賞每個店員的態度, 就連收銀的姨姨也可以逗得SY說出他假期有多少份功課...

如果價錢可以略為下調, 或者份量可以加碼...這店絶對無敵.

舒適:★★★★☆
食物:★★★★☆

服務:★★★★☆
價錢:★★☆☆☆


PAN de PAIN Pancakes & Sweets
地址 : 尖沙咀河內道18號K11商場B111B號舖
電話 : 2576 1968
11:00-22:00


大仁生活facebook