【太子朱古力兩食】超羣KitKat橙撻 Vs 糧友流心餃子

上星期我見IG被一粒芝士餃子洗版, 我問朋友C:「有冇見過呀?」, C答:「糧友唔係好舊嘅咩??」(係咩!!  未食過都試下囉)

星期六我們走上新世紀FoodCourt的糧友パン工房 , 阿太說:「嘩!原來粒餃子咁大隻喎, $12蚊米好抵」

我問店員:「餃子係米新出㗎?」她答:「我做咗大半年, 我未嚟已經有」, 阿太問我:「咁Out你仲買唔買呀?」

SY:「爸爸! 我想食芝士撻多D, 隻餃子咁大隻...好似好怪」

結果, 當然月島軟心芝士餃子($12), 月島半熟芝士撻($16)各買一個.

芝士撻怪急不及待試食芝士撻($16), 這個較半熟工房, BAKE及北海道中村的芝士撻更便宜, 而且味道可說僅次首兩家, 算很不錯喎.

之於那個外層鬆軟的芝士餃子...SY吃了一半:「爸爸你食唔食埋佢呀?」(小朋友好醒目吓喎)

芝士乳酪醬的味道十足十飲忌廉湯, 與芝士撻的味道截然不同...阿太:「都幾好食喎呵...」(我覺得好難食)

之後旁邊有另一個朱古力餃子($12), 直覺告訢我不會中伏...

因為麵包架內的數量遠遠較芝士餃子為少的原故, 所以我決定買來再試.

結果, 朱古力當然完勝芝士, 不如看看SY的評述吧!

同樣亦在太子區, 正正就在新世紀走落太子道西, 花墟內的Uncle Fong, 上星期又有新攪作.

今次的東西叫KitKat碎碎香橙撻($9), 一盤滿滿的就放在店員旁邊, 聽不到新鮮出爐的呼喚...

個人覺得牛油皮厚實了半點, 面層有朱古力碎碎之餘, 蛋醬內亦混入少量朱古力.

而說好的橙醬就在最底層, 只是覺得朱古力, 與橙醬有點鬼崇, 太點到即止, 但有新鮮感, 起碼我未食過四層玩法的蛋撻啦!! (不過宣傳的迷仔KitKat一早送晒lu)

朱古力餃子: ★★★★☆ ($12)
KitKat橙撻 : ★★★☆☆ ($9)


糧友パン工房 Ryoyu Bakery Studio:
太子新世紀廣場3樓一田超市

超羣 Uncle Fong:
太子道西182號金寶樓地下A舖


大仁生活facebook