朋友A跟我Whatsapp拜完年寫:「銅鑼灣HMV搬咗過明珠廣場, 三層都好Raw, 好歐美工業Feel, (我:關我咩事, 我都唔聽歌)」
朋友:「唔係呀! 四樓係餐廳, 嗰份和牛Burger正到痹」
一聽見有得食, 嘩! 和牛喎...我又怎會放過機會, 年初三即時拉SY及阿太去探牛牛.
去到明珠廣場, 阿太說:「以前E度米係鳳城囉...乜執咗嗱?」心諗:「係都唔出奇, 我哋5年先食得一次, E家幾層嘅酒樓, 點做吖」
坐電梯到4樓餐廳, 甫一坐下, SY大叫:「點解有個咁大個時鐘嘅?」
我就即時想起阿飛正傳的電影海報.
點食物後, SY便四周巡視:「點解咁多英文書? 都無我鍾意睇嘅, (我:你最鍾意睇老夫子, E度唔會有啦...喇!! 有日文書呀)」
SY接過雜誌, 望一望:「車! 又唔係ARASHI, 又唔係幪面超人, 我都唔識佢哋」我:「乜你咁麻煩架! IronMan得唔得呀?」
SY:「我好想買呀? 爸爸」...敏感的爸爸, 當一聽到「買」字, 即時反應:「哎呀!有得食啦喎...味美嘅漢堡包, 同薯條嚟咗啦喎」
和牛漢堡($148), 因為我點了Medium程度, 所以約5成熟的外脆內嫩, 單單賣相已經贏到上天.
手執漢堡左影右影, juicy的肉汁不停滴到枱面,
SY:「E啲咩嚟架? (我:好食先會漏汁啦), 爸爸! 你影完未, 我好想食啦」
本來我再想額外配黑松露, 溫泉蛋, 煙肉, 鵝肝...不過要再付$10-$40不等...還是算了罷.
麵包底部也烤得香脆, 更塗滿牛油...SY:「我好鍾意E度D薯條, 好粗壯, 平時麥當勞呢...好瘦, (我:咁好唔好食?), 梗係好食啦! 仲駛問」
不過, 漢堡帶微辣, 個人覺得應該是最增加層次, 多於一辣遮三醜吧! (可能係, 除非唔係!!)
牧羊人羊肉醬薯蓉($168) 是SY指定要食的:「因為我鍾意薯蓉呀!」結果一樣沒有失望.
羊肉當然售價貴少少, 不過暫時略嫌羊味太少,
但肉醬夠香, 而且內有豆豆, 鍾意油不多, 夠乾身的感覺, 一配薯蓉吸引到不得了.
銅鑼灣食東西, 雖然價錢較我平日的庶民美食有少少距離, 但惹味程度, 偶然來Hea一Hea, 不錯啦! 新正頭, 食環境, 配合放假心情呀...
HMV最正就是人少, 地方大, 目測最少一萬呎以上, 我和SY簡直「為所欲為」四圍走, 同樣無人理. (可能外籍人士忍耐力強都未定)
臨走前忍不住一家三口再發台瘟, SY:「我唱歌, 媽媽彈琴啦...不過點解都無咪嘅, 點唱?」可能Live Band要夜晚先有, 「私家咪」衛生好多啦!!
舒適:★★★★☆
食物:★★★★☆
價錢:★★☆☆☆
HMV旗艦店
地址:銅鑼灣明珠廣場2至4樓
營業時間:
2/F-3/F 時間:10am – 11pm(逢星期日至四及公眾假期); 10am – 11:45pm (星期五至六及公眾假期前夕)
4/F餐廳營業時間:10am – 12am(逢星期日至四及公眾假期); 10am – 2am (星期五至六及公眾假期前夕)
大仁生活facebook
沒有留言:
張貼留言