2016年2月24日 星期三

【禾稈冚珍珠】大窩口又一驚喜甜品店 @ 街坊版京林屋

大窩口真的卧虎藏龍, 同一個月, 三次過來覓食, (鮑記大食部, HOMEMADE) 三次都驚喜, 同一條街滿足我三個食慾!!


朋友推介我:E度抺茶一流, 窩夫超值, 雖然質素唔係最好, 但一定好食過荃灣Sugarxxxx,Beaxx嘅窩夫, 佢哋要成六十蚊, 又難食」. (係真唔係呀?)




老實說, 若不是朋友推介, Ideas Dessert的門口絶不吸引. 但食完Woo~真心覺得:禾稈冚珍珠.


抹茶焦糖燉蛋 ($36)...我真的好鍾意睇人燒Crème brulee, 極治癒...尤其今日連女神嘉欣BB都默認有BB, 失落得更加要治癒,  如果可以自己燒, 一定醫得更徹底.


雪糕其實有4款選擇, 我最討厭食思樂冰一樣的雪葩, 不過阿太鍾意, 否則一定轉超正抺茶味.


第一次食抹茶Crème brulee, 超超超濃抹茶味, 燉蛋又滑又順, 正到不得了.


 一邊食一邊咀噏噏的阿太:「睇個顏色怪怪地, 原來咁鬼好食」(我:!!堅好味至啱!!)


之後我點了最店受歡迎甜品第4:芒果窩夫配雪糕 ($46+$4轉抺茶雪糕) 阿太:「點解你唔揀第一位雪山呢? (:因為我唔鍾意食冰囉)


我問David:「你哋D抹茶好正喎! 係咩品種?, David:「老闆入嗰隻叫山政小山園, 都係京都宇治嘅」


窩夫即點即製, David:「我哋加咗珍珠糖先焗, 大約焗4分鐘」一邊焗, 一邊已經傳來陣陣窩夫牛油香... (!!真‧仙氣出現)


原來這裡是去年81才開業, David:「我哋12月開始做埋焙茶, 有時間可以試埋喎」


?? 你早一點告訴我??! 我當然有時間, 不過剛剛食飽午餐, 個胃無空間喎. 唯有下次再試.


最後David再加芒果粒, 芒果醬, 大功告成...我忽然覺得黃加綠, 原來可以靚得如此緊要喎!!


小山園的味道, 簡直可以媲美京林屋, 這個抺茶雪糕, 超正, 一邊食一邊感受到今日有如執到寶一樣.




阿太問:「點解係似京林屋, 又唔係中村藤吉呢?」很簡單, 因為這裡和京林屋一樣, 不用排隊, 不用等位, 超爽!!



濃茶夾回甘的雪糕,  再食一口甜甜地的芒果粒, !! 超滿足...應該滿足過阿BU食咗利君牙...先苦後甜無得輸啦!!


不過, 飄著香氣的窩夫, 有點硬, 本來預計的外脆內軟呢???失散咗??? 4分鐘的烘焙時間, 減一分鐘會不會好少少?...還是我拉住David傾傾傾累事呢??



可能有時缺憾美也是一種美吧! 下次就來食一個焙茶雪糕的3分鐘窩夫吧!...應該就是我的Perfect Match. 超期待!!



Ideas Dessert
荃灣荃貴街10A號富麗花園商場A座地下13B及15號舖
3791 2128


大仁生活facebook


沒有留言:

張貼留言