【平食韓國菜】靦腆韓男賣快餐 @ 綠楊坊趙又廷

自從昨日睇完「專家Dickson」變到懶韓, 飄住仙氣...我即時好想去嘆韓食.

不過孤寒的我, 又要平又要正, 選擇不多...今日阿太問:「點解帶我嚟Kim's Bowl? (我:因為飲食男女話E度抵食, 仲有韓籍暖男添)」

阿太問:「我Feel到嗰個大隻仔係老闆, 你去問吓啦」中年婦人「閱仔」果然了得, 23歲曾留學美國的Brandon, 韓台混血兒, 所以精通國語, 英文, 韓文...

(點解你唔係台灣開餐廳呢?) 愛健身的Brandon:「因為我鍾意香港文化!」原來, 怕怕羞的Brandon剛與日籍女友分手, 現在回復單身, 嘩!無敵筍盤.

阿太不耐煩:「你八完未呢? 可以食得晏晝未呀?」可以...可以...立刻揀了自選韓式飯盒1號雜菜牛肉 ($45).

但店員說:「唔好意思, 暫時牛肉賣晒, 改泡菜豬肉好嗎? (我:好好好...費事被人鵝, 最緊要快)」

4款主食, 我們揀了泡菜炒飯, 6款醬料中阿太則點了柚子醋. 

飯盒超多料, 冬菇, 菠菜, 甘筍絲、翠肉瓜片、芽菜, 配大大碗炒飯, 如果靚靚太陽蛋的黃可以流心, 更加正.

我愛這裡的可樂炸雞, 因為不能食辣, 所以普通炸雞最合我心意. 

一啖雞一啖可樂...100%韓版可樂呀! (你會問我點知?) 因為雪櫃唯一一罐$12可樂, 我親自酙親自飲. (午市連本來的可樂也被掃清)

三款食物, 唯一少少意見, 就是那熊大吃的魚蛋, 可能浸在湯太耐, 味道偏鹹.

貌似韓星趙又廷的Brandon, 雖然身為老闆, 一樣捧餐, 執枱, 倒垃圾, 親力親為, 溫柔得仁叔叔又想做媒人, 等我下次帶幾位女同事介紹給Brandon先得.

Kim's Bowl
地址：荃灣蕙荃路22-26號綠楊坊1樓F4號鋪
電話﹕24551300
營業時間：星期一至日11am-9pm


大仁生活facebook