網頁

2016年2月19日 星期五

【我撐棚仔】買布買窗簾‧深水埗最有人情味的地方

家中窗簾8年沒有換過, 忍無可忍, 懶仁不能再懶. 從前光顧鬼國窗簾城, 今時今日當然要支持本土小店.   上個月, 走到屹立深水埗38年的「棚仔」買窗簾.


阿太問:「邊個棚仔, 係米之前晨光第一線個彭仔介紹你?, SY聽到又問:「爸爸你又話買窗簾, 點解要搵棚仔?



其實, 連棚仔最資深的東叔也不知道名字的來源, 1979年我由汝州街被搬嚟, 2年都無人咁叫, 因為根本無人嚟幫襯... 後尾愈來愈多學生嚟買布, 佢哋叫叫下, 就變咗做「棚仔」囉」


東叔好好人, 他見SY走來走去也沒有投訴, 還問:「小朋友你幾多歲呀? 伯伯今年82歲啦」, SY很驚訝, 因為連我也估東叔只有65.


身壯力健的東叔靠一雙手賣布養大四名子女, 他說:「我E家賣布只係為每年參加苗圃行動籌款嘅經費, 我參加咗20, 可以幫到D山區小朋友」



每日開檔前一定練跑的東叔, 因為希望可以鍛鍊體力, 東叔:「我想年年都繼續參加, 因為每次都可以幫到二百幾個學生有書讀」我希望東叔身體健康, 心想事成.


SY攪完東叔的算盤, 又對有50年的「何正岐利」單臂較剪感興趣東叔:「當年何正岐利好出名, 你咁後生實無聽過啦」


今次很高興, 得到何老闆幫我揀布, 何太幫我車窗簾, 何太:「因為近排比較忙, 所以要差唔多一個禮拜, OK?(無問題, 8年都係咁捱啦)


何老闆是少有二代同堂, 在「棚仔」家庭式經營. 兒子發仔前年畢業, 知道爸爸辛苦就來棚仔幫手, 非常孝順.


何老闆:「老實說,棚仔一定賺唔到大錢,但賺份人工囉...後生仔邊學邊搵工啦」(梗係幫老豆手好啦, 打工仲麻煩)


(你同何太都係棚仔識架?) 何生笑笑口:「唔係喎!! 30年前, 隔離檔請助手, 我米介紹佢入嚟囉」. 何太:「我以前哥哥都係做棚仔, 不過後尾佢有家庭就無做, 賣布好難維生」


發仔話頭醒尾, 不過何老闆就講反話:「佢都算有心機, 好努力. 不過ED年青人, 無得同我當年比, D都唔捱得」


老闆一邊掃地一邊說說:30年前啱啱大陸落嚟, 衫都無一件, 可以係「棚仔」賣布, !不知幾高興嗰時間唔中要留係度過夜㗎!


(捱夜好辛苦喎), 何老闆:「唔辛苦我米同隔離檔D後生仔聽收音機、傾計囉,  (飲啤酒, 食花生?)  嗰時好窮, 邊有錢買食, 飲水咋, 但乜都傾, 諗返都開心」


(E家仲有無同當時D朋友聚下?) 何老闆:「間唔中啦, 全部都走晒, 得返我留係度, 賣布好艱難做, 不過自由, 同開心」發仔繼承就更加開心!


SY問我:「點解咁多字貼係周圍?」我答:「因為政府要拆咗棚仔, 大家唔想, 想保存佢, 所以就留底支持字句」



我希望一切照舊, 這個充滿人情味, 歷史意義的小天堂, 絶對要保留下來!! 「棚仔」我撐你!! 

PS:多謝東叔, 何生, 何太接受我訪問, 

沒有留言:

張貼留言