網頁

2016年2月17日 星期三

【紫沖開了便淡】芝士紫薯打邊爐~拉得過癮!!

天生怕凍的仁, 本來今晚想到街頭試新串燒店...不過, 天寒地凍「打邊爐」應該正得多.


烏冬怪SY一聽到「打邊爐」即說:「好呀!好呀!我最鍾食烏冬」, 我答:「今晚好特別, 我哋食紫色打邊爐」



火煱上枱, SY:「真係紫色㗎喎...」這個芝士紫薯邊爐是新假期介紹得的, 不過...


「點解新假期嗰個芝士多到好似座山, 我哋『稀逛逛』得幾粒嘅」我問阿太


阿太一邊滾雞, 一邊答:「咁你係唔係新假期吖? 人哋識你係茂里咋」(咁又係!!)


紫薯配芝士, 原來味道超正, 沒有想過先甜後Creamy的感覺打邊爐可以如此好食.


不過, 我不明白為何指定必要配炸雞...我情願可以換肥牛, 這碟炸雞好鹹, 即使浸入火煱滾完再滾一樣鹹...


可能自己喜愛紫色, 所以當食到一半要加湯時, 整個湯被沖淡, 店員:「我哋加湯全部只有一款, 就係清湯」


紫沖開了便淡...嗚嗚嗚...打回原形了. 其實, 這裡食物質素絶對沒有問題, 而且有一款「薑汁皮蛋貢丸」亦非常過癮.


限時90分鐘, 其實沒有想過新蒲崗廣場內有如此旺的食肆, 兩個舖位坐滿食客. (好彩有訂位, 否則就要坐在走廊等枱)


對於暗暗迫迫的環境, 有路過的情侶笑笑口說:E間嘢幾有聖誕舞會Feel, 出年聖誕過嚟囉...嘻嘻!」之後就走了.



主店光猛得多, 如果坐在這裡影相一定好睇好多. 阿太:「幾好喎, 話明最低消費每人$60, 我哋$179, 佢真係找搵一蚊畀我哋喎」(咁米好囉!)



$89紫薯芝士雞煲
(包白飯、出前一丁、鳥冬、拉麵、米線五揀一) 限時90分鐘


舒適:★☆☆☆☆
食物:★★★☆☆ (不包括雞)
服務:★★☆☆☆
價錢:★★☆☆☆


拼食三郎 (記得訂位)
地址:九龍新蒲崗廣場1樓B07號舖
營業時間:星期一至六 11am-10pm;星期日、公眾假期 5:30pm-10pm
電話:21046678



大仁生活facebook

沒有留言:

張貼留言