網頁

2016年2月16日 星期二

【誠品食甜品】七彩龍鬚丹麥酥~靚爆鏡頭

今日是SY學校假期的最後一天, 我想帶他過太古誠品. SY:「吓? 又去? 點解前日去睇櫻花唔去呀? 爸爸...咁遠!! 唔想去」


我答:「我哋去食龍鬚糖雪糕多士, 上星期六都未有得食..., 一聽到「糖」,「雪糕」有人即刻換衫大叫:「快D啦爸爸!! 雪糕一定要食朱古力架」



走到誠品, SY:「又話食雪糕嘅, E度書局嚟喎」. 沒有錯, 「感味宮匠」就在誠品低層.


一支箭衝入誠品, SY左找右找後對我說:「點解無小朋友書嘅, 算啦! 我哋去食雪糕囉」(你幾時鍾意睇書? 我見你日日都睇電視就有)


「感味宮匠」Sensory ZERO 坐鎮黃竹坑多時, 我也沒有去過, 因為我們全家也對海洋公園不大好感, 所以提不起勁去試食...(太古開分店米幾好囉!!)


燒牛麵包套餐連蘑菇湯, 熱朱古力 ($75), 又是因為不想空肚食甜品, 於是叫店員推介的食物.


這裡很不錯, 我問被喻為「暖男」的靚仔店員免費拿了一粒牛油...SY:「點解咁難搽嘅? 爸爸」(因為牛油, 同個包都係凍囉)


意想不到這個牛肉帶有少少牛根, 平日連梅菜扣肉也嫌韌的大少, 今日竟然沒有投訴...SY:「都韌呀!不過我想個包幾好食, 所以我無出聲」(咁巴閉呀?)


吃完配菜, 正餐終登場...zero choice dessert  ($75),  好靚喎...不過,  點解好似沒有宣傳照的宏偉. 縮了水呀!! 


 SY:「爸爸!其實點解你要帶老鼠Bearbrick出嚟, 我好驚老鼠」


我說:「迪士尼隻米奇, 米妮你又唔驚? (SY:佢哋係人嚟呀!) 阿囝你真係人又係你, 老鼠又係你, 你真係好適合從政」


不停口食龍鬚糖的SY:「好食喎D棉花糖, 有士多啤梨(紅色),有黃色係咩味呀??!原來仲有白色吖...真係好食」(其實...根本只有甜味, 無生果味架)


當你問一位愛甜的小朋友, 「你唔覺得好甜咩?, 他會答你:「愈甜先愈好食」不過, 囝你可否食得乾淨少少呢? 我好驚你呀!成手笠黐黐.


丹麥酥包伴這款朱古力雪糕好食過龍鬚糖多多聲, SY:「如果係西多士就更加好啦!


(咁你覺得邊部份最好食?), SY:「不如你問我最唔好食係邊部份啦...(:好吖)...香蕉...我最憎食水果」但我反而覺得, 整份甜品就是靠少少的香蕉來中和甜味, 因為實在太甜.



走前SY坐上當年店家推車到街頭賣咖啡的單車上...SY:「假架..唔郁架...」我說:「人哋紀念以前用架, 你唔係整爛人添呀!


Sensory Zero
地址 / 太古太古城道18號太古城中心地下誠品生活G014鋪
電話 / 34191133
營業時間 / 星期一至日10am-10pm


大仁生活facebook

沒有留言:

張貼留言