網頁

2016年2月26日 星期五

【時光倒流30年】童年‧現在一般可愛 @ 「舊照片Re-run」

羊走馬騮又來了一個月, 又過一年, 新正頭終於「的」起心肝, 完成我想做了2年的事...「舊照片Re-Run. 我要回憶, 我要時光倒流.


年初二, 我們重返中環天星碼頭, 外母說:「原來個碼頭無咗嗱? (填平晒) 即係上次我哋玩摩天輪嗰度...以前係海嚟㗎?



我說:「無咗個望遠鏡, 不如媽媽你攞住張相扮睇啦」SY不理我們, 不停玩他的單車.


當年的單人照, 今日換阿太來承傳, 有人極不願意:「你點知E度就係40年前個望遠鏡嗰位呢? (:估計啫, 叫你影就影啦, 咁多嘢講)


外母說:「真係40, 乜都唔同晒, 當年我同你外父啱岩嚟香港, 阿姨帶我哋埋, 都唔知E度就叫大會堂」


很奇怪, 40年前後的大會堂, 其實變化沒有想像中如此大, 不過, 這幅燈柱相, 事後我發現應該是我估計錯誤.


因為外母當年應該不是在大會堂前, 而是在庭園內的位置才正確.


之後一行6人便拿著單車, 619巴士重返阿太當年舊居順安邨.



阿太不停捉住SY:「媽媽以前住係E, 媽媽以前讀E間小學, 媽媽以前...


看來12年沒有重臨故居, 阿太感觸得很...


不過有人第一次來順安邨, 可能嫌媽媽阻擾踩單車:「我知道啦, 你講咗好多次...我踩先啦!」於是就與公公去玩單車.


舅父仔當年的幼稚園門前, 我說:「唔係喎, 以前無條柱喎」, :「係呀!個簷篷之後先起」


小朋友應該個個也愛踩單車, 一連兩張的合照也是有單車份兒.


請留意30年前, 兩位主角身後草叢中的肥仔.


我覺得背向太陽的我更加搶鏡.  (PS : 原來30年的樹, 可以變得如此粗壯)


今日, 非常感謝家人陪我發癲, 大家肯花時間, 成全我的「新年舊照Re-run」計劃Part1. 我妄想希望之後每年, 也能夠再與屋企人Re-run一次, 可以嗎?



「新年舊照Re-run」計劃還會有Part2, 請待續~



大仁生活facebook

4 則留言:

  1. 最搞笑係30年後,仲一樣有個肥仔係後面😂😂😂

    回覆刪除
  2. 看到你這些懷舊相,讓我想起我爸爸第一次買了相機和我們幾姐弟影相的情景,當時我們也是著着拖鞋在公園取景。之後逢星期日便會一家五口出動去大會堂、皇后像廣場、兵頭花園影相。很懷念啊~

    回覆刪除
  3. 大會堂、皇后像廣場、兵頭花園...我小朋友時都有影, 而且今日舊地重遊變化也不算太大, 有時間你都可以再去影影相, 話當年一下喎. HEHE

    回覆刪除