【成籠雀食咗佢】揸住貨櫃車‧慢慢嘆點心 @ 中環Yum Cha

雖然我不明白為何點心舖門口會有一輛大貨櫃車, 但既然可以任坐, 當然食飯前我不會放過機會啦!! 

今日相約老友到中環食點心, 朋友問:「係米食Little Twin Stars嗰間?」, 我答:「唔係, 不過都係一樣有D得意點心」

這間很Raw, 很新派, 很工廈式的「Yum Cha」絶對跟「點心代表」一樣, 走不老套的嘆點心方法, 就連每人收$10茶錢的茶壺, 也是用最方便的茶包, 真的很西化.

「睇住流奶」$49...如果早一年出現會更好, 因為早前蛋黃哥也是同一招, 已經給人玩嫌了.

朋友說:「人人都玩過晒啦, 你仲影乜鬼吖, 一啖食咗佢啦...個奶黃真係起沙架, 唔錯喎!!」對! 味道很好, 餡料不算少, 軟熟輕甜, 真的很不錯.

「一籠八戒」$49, 豬頭造型的叉燒包, 我跟朋友說:「我之前去土瓜灣食過, 又係豬頭, 不過一籠2個係芋泥饀, $15蚊咋」

切開豬頭, 叉燒餡較上次土瓜灣的饀料更少, 稀稀疏疏. 朋友說:「個包一樣軟熟, 餡就係少D, 味道好食就得啦!! 同埋E度係中環呀, 梗係中環價錢啦, 唔收你$69算偷笑啦」

全部食物最香, 味道勁強烈醋酸味的, 便是這碟「舉手雞花」($79), 真心覺得, 今晚好好彩, 點了份「近朱者赤」($89)~咸魚雞粒紅菜頭飯, 真的雙影成趣.

一口飯一口唐醋雞, 一等一享受, 真的非常入味, 連雞骨都好食, 不過份量真的不夠我們三個「麻甩佬」食用, 

全晚最期待一定是這個雀籠甜品, 「鴿吞鳳梨」$59...賣相一流, 真的令仁想起當年跟屋企人去「雲來」飲茶, 總會有一些伯伯帶個雀籠掛在酒樓天花板的情景.

最初我們沒有留意這個雀仔原來就是鳳梨酥, 我最欣賞就是暖暖的感覺, 好似真的感受到雀仔的溫暖, 不過...

個人覺得酥皮太多, 本來不算太硬的口感, 因為菠蘿肉相對較少, 所以最傳統的鳳梨酥比例也不能達到, 如果要食好味鳳梨酥, 我第一時間想起同是上環的「微熱山丘」...

兩者價錢相約, 不過「微熱山丘」有免費原個試食服務. 朋友不滿接口:「咁你要相機食得靚, 定係好食吖?」, 我好貪心...想兩樣都有.

Yum Cha食物絶對有水準, (除了份量太少之外), 環境最合適老朋友靜靜地講東講西. 店員會不斷為你加水, 加上大量吉位, 我們坐足三個鐘, 亦沒有人趕你走, 非常好呀!!

Yum Cha
地址:中環干諾道中88號南豐大廈2樓1-2號
電話:37088081
營業時間:周一至周日11:30am-15pm,18pm-23pm

大仁生活facebook