朋友K問我:「喂!一齊去跳彈床囉, 仲有盆菜食」, 我十分奇怪:「點樣又跳彈床又食盆菜? 大鑬都扯唔埋嘅嘢, 咁得意?」
如此攪笑, 當然要同屋企人及老友記齊齊跳住, 彈住做盤菜型子. (當然, 一早就知玩完先盤菜...不過, 小朋友真係問:「都唔係喺張彈床度食菜嘅?」)
同事知道我會去跳彈床質疑問:「你平時又唔運動, 唔好話畀我知你可以跳到一個鐘彈床吖?」(我:米傻啦!! 我有一個精力充沛嘅阿囝吖麻,
我主要都係影佢啫)
以前讀書體育當玩過跳彈床, 最多去旅行陪SY跳酒店房張床, 但原來新正跳彈床過癮得如此緊要.
一個如同滑板障礙台的彈床, 可以如同企鵝彈上高台,
之後就玩瀡滑梯一樣, 瀡返落彈床, 簡直一張床滿足兩個願望.
SY跳不上高台, 不停叫:「拉我上去啦...」, 忽然好Titanic...Jack!!
除了普通彈床, 還有閃避球場...SY好興奮:「玩啦!玩啦! 男仔一組, 女仔一組, 分組...」
我大叫:「你識玩咩?」, 笑到見牙沒有眼的囝:「鬥大力, 掟過去, 掟中就輸, 好好玩呀! 嘻嘻嘻」(其實你係米有虐待狂??)
之後就是我覺得最好玩的Slam Dunk, 大仁當入樽, 我生得矮, 我渴望可以握實籃球架幾十年啦, 今晚終於願望成真呀! 真係多謝SHELL, 多謝BOUNCE!!
SY:「爸爸! 你唔好掛住玩先啦, 你睇我...3次都入到籃呀!」...
哈哈!!連小朋友都百射百入...這個古惑的籃真鬼馬
其實, 全場最熱鬧, 最多歡呼聲, 就是角落位置的精英區, 我偷偷帶SY去觀戰...嘩!! 精英們簡直登陸月球一樣,
跳到全無地心吸力, 彈床彈牆, 心口彈, 背脊又彈...究竟是不是特技人大賽??
之後工作人員說:「差唔多時間啦, 如果唔係你哋唔夠時間食盤菜...」我望一望錶...「哎呀!原來一個唔運動嘅人, 竟然跳吓跳吓跳咗個幾鐘...」
我對SY說:「夠鐘喇...人哋要閂門啦, 我哋返去食盤菜」SY十二萬不願意:「我要玩, 我唔想佢閂門, 我都唔肚餓」無辦法...唯有下次再帶你再跳過...
走到走廊, 我不禁大叫:「乜嘢咁鬼香呀?」朋友說:「頭先工作人員走嚟幫我們加熱咗D盤菜, 所以好鬼香」
可能我一晚做了一年的運動量, 所以我非常非常肚餓, 「我唔客氣啦!!」
食盤菜期間, SY仍然在地毯上不停跳:「爸爸!!點解地板跳都好似彈彈下呢?」...
我又跳兩跳:「係喎!點解咁得意...真係平地都變彈床喎, 好過癮喎」
十人份量的盤菜, 7個人食...即使超大量運動後, 餓到不得了, 食到個個肚凸凸, 飽一飽, 個盤仍然剩下一半.
好彩老人家有一個外賣盒跟身, 9點...工作人員走來說:「唔好意思...我哋真係夠鐘閂門啦」
真的不好意思, 攪攪震的我們應該累了店員要OT添...今晚真的又健康又滿足...夜晚兩父子更瞓到死豬一樣添.
地址: 九龍灣國際展貿中心E-Max地下
電話: 2556 9555
「猴年派對盆菜套餐」
10人(60分鐘)任跳彈床+(45分鐘)盆菜派對 $2,880
供應直至2月22日
沒有留言:
張貼留言