【新年取西經】Monchhichi一帶一路偷桃‧耍棍‧搶奶嘴 @ 朗豪坊

相隔2年, Monchhichi又返嚟啦!! 因為送羊迎猴, 一帶一路...照計農曆新年商場SHOW, 應該多過一隻馬騮先夠熱鬧啦!!

2年前, 為了與Monchhichi合照, 我們追「騮」追到入將軍澳, 當時剛剛撞正Monchhichi巡場, 順利欄途截攝...望一望「芒」, 真的似上個月的事. (時日如飛!!)

當年是預祝Monchhichi踏入40歲, 今日就是慶祝猴年到, 猴年到, 好走快兩步. 所以Monchhichi一猴分飾十一角色, 一帶一路...大鬧天宮.

今次朗豪坊變身西遊記, 張衛偉, 黎耀祥, 梁漢文, 麥長青...全部角色都由Monchhichi一人玩晒, 忽然似睇詹瑞文獨腳戲一樣!!

沙僧真的似麥包, 但為何唐僧是一個BB呢?? 最攪笑Monchhichi一到場, 即時要搶走Bebichhichi的奶嘴喎.

猴子偷桃, 我又偷桃...原來龍椅上的不是玉皇大帝, 站在旁邊哭得死去活來的才是萬歲萬歲萬萬歲.

手持金箍棒的Monchhichi頭頂戴了一頂文青帽, 我第一眼以為他在模仿藤子不二雄, 身旁的就是歡樂滿東華的地拖毛筆, 寫大字籌款喇!!

Monchhichi中文名叫「蒙奇奇」? 還是「萌趣趣」? 我真的今日才知道Monchhichi有官方中文名字喎.

原因7樓Pop-up Store工作人員說:「上年1月日本正式授權Monchhichi中文名叫「萌趣趣」有記念中文名限量套裝出售. 絶版超罕...好彩我不是Monchhichi忠粉.

不過, 台灣依然稱Monchhichi「蒙奇奇」, 老實說, 如果要我二選一, 我都情願叫她「蒙奇奇」因為一帶一路呀...

這個黃色的Monchhichi是全店的首選推介, Made in Japan 限量100隻, 但只能留名預訂, 因為未有現貨. 數量少得如此, 看來今天一開已經訂滿.

我回家給Monchhichi影片給SY看, 問:「你知唔知佢係邊個?」

他答:「知....(我:你唔好扮689喎, 真係知?), 媽媽話鍾意喎」,  我猶豫:「媽媽幾時話鍾意?, 有呀! HelloKitty個朋友馬騮仔麻」

哦! 大家都只是馬騮Only, 同樣一句, 一帶一路啦!! (知唔知咩係一帶一路? ....知....鬼. 唔理咁多, 等Monchhichi帶路知得仲多啦)

Monchhichi西遊記之金猴獻桃
日期：1月15日至2月28日
時間：11:00am-11:00pm（年廿七至廿九延長至凌晨1時，初一至初三照常營業）
地點：旺角朗豪坊4樓通天廣場


大仁生活facebook