【蕉氣勃勃】瀡滑梯‧IG即影即有免費玩 @ MONKICHI 馬騮仔

昨晚我告訴SY:「爸爸今日去TheONE影馬騮呀!」, SY奇怪:「你前幾日米影咗囉...又影??」

此馬騮不同彼馬騮啦!! 因為猴年, 所以全部馬騮仔出場坐鎮各大商場, 今次是Kitty朋友真‧馬騮. 

90後的Osaru Monkichi一原來剛剛滿23歲, 看看資料, 她是1月13日生日, 其實, 商場應該早少少佈置, 同時舉辦一個生日會, 應該會更震撼喎.

今次一走到商場中庭, 即時發現:「嘩!點解E度唔止馬騮仙氣, 仲咁香蕉蕉味嘅?」滿場蕉氣, 望到巨型大香蕉, 有錯覺想即時剝皮食蕉喎.

雖然今次展覽沒有Meet & Greet, 但竟然有一個迷仔版瀡滑梯. 老實講, 幾好滑幾好瀡, 小朋友應該會「瀡不離Pat」, 但大人則未瀡已差不到著地.

今次全部馬騮都是毛茸茸㗎! 好過癮...而全部當中最最最有仙氣, 一定是這隻專家Dickson版Osaru. 我想$600賣樽髮泥過你喎.

另一端有一個扑傻瓜, 有分牌, 有大鎚, 有傻馬騮, 可惜只是佈景道具. 如果真的可以玩就發達, 我會立即帶SY過來, 他一定玩到傻都不願走.

今次Osaru與上次杯緣子一樣, 有免費IG即影即有相服務, 費用全免.

記得只有逢星期六, 日, 下午4時開始, 只要排隊就有得玩, 不過得4句鐘.

今次馬騮仔在地面後門, 零零丁丁還有一隻在放炮仗, 有少少可憐呀! 好似畀老師罰企出班房門口...莫非馬騮仔真的很曳曳??


「OSARU NO MONKICHI 蕉財進寶玩樂園」
日期︰1月24日至2月28日
地點︰The ONE UG2中庭及地下露天廣場

IG即影即有相
日期：1月23日至2月28日
(只限逢星期六, 日) ~ 除1月24日
時間：16:00至20:00


大仁生活facebook