2016年1月31日 星期日

【變種CremeBrulee】伏之鬼佬芝士~ 酸硬實@ Spade by lassana

早前到Paul Lafayet, 自己CremeBrulee自己燒, 完全上癮. 今日我又有得食啦!! 而且更是近期網上熱捧, 變種CremeBrulee芝士蛋糕!!

半熟工房, Bake, Uncle Tetsu's, Tokyo milk cheese factory, 麥上日光...全部芝士都是水準之上...嘩!今次更加 CrossOver CremeBrulee, 正呀!


中午致電Cafe:「請問我黃昏6點嚟仲會唔會有貨?」女店員答:「你最好嚟之前打多一次Confirm, 提提你, 蛋糕$78, 堂食要另加$10」

我當然外賣啦!! 公公就住樓上, 無理由無端端要多付$10...不過, Cafe又不是長期爆滿, 出絶招不想人堂食, 真奇怪???

望著店員, 即時在雪櫃取出保鮮紙包得密密實實的CremeBrulee...

再在我們面前灑砂糖, 火槍加熱...嘩!!金黃色的靚靚焦糖面, 吸引死啦!

走上公公屋企, SY也忍不住:「爸爸! 快D食蛋糕囉...我好心急呀!」

我答:「畀5分鐘我...等我起個壇, 影兩張Be@rbrick, 即刻叫你過嚟...」SY:「咁我幫你計時啦...」(吓? 大約啫, 唔駛計住時間吖)

當我切一角出來, 準備給SY之時, 我便有少少感到不對勁...「咁硬, 又無乜芝士香嘅?」

這個變種CremeBrulee, 除了保留了原有層薄薄的焦糖脆之外, 芝士結實, 又沒有層次感, 酸味蓋過一切...心諗:「真係近三個月, 最難食一舊芝士蛋糕」

舅仔補充:「你食慣日式軟身芝士, E啲西式傳統做法, 仲加埋檸, 果然唔啱你胃口」我嘗試「叮」8秒加熱, 變暖的芝士一樣沒有變軟/流心效果...

對不起!! 「鬼佬」芝士真的不是我杯茶...我問SY:「你覺得硬掘掘E舊嘢, 好唔好食?」SY:「係蛋糕都好食㗎啦, 酸酸地好食吖, (我就唔鍾意)」
仁評: $78, 我情願正正經經買返個CremeBrulee嚟食啦!!



Spade by Lassana
油塘高超道38號大本型地下G28號舖
2346 0828



大仁生活facebook

沒有留言:

張貼留言